د امریکا متحده ایالتونو ولسمشر ډونالډ ټرمپ په خپلو تازه څرګندونو کې ادعا کړې چې امریکا د هرمز ستراتیژیک تنګی په بشپړه توګه تړلی دی. نوموړي په یوه پیغام کې ویلي چې ایراني چارواکي د دې لارې د پرانیستلو هڅه کوي.
ټرمپ ټینګار کړی چې د ایران مشران د دې اوبلارې له لارې ورځنیو عایداتو ته سخته اړتیا لري. د هغه په وینا، د تهران چارواکي یوازې د خپل سیاسي حیثیت ساتلو لپاره داسې ښیي چې ګواکې د دې مهم تنګي تړل کېدل غواړي.
د امریکا ولسمشر همدارنګه خبرداری ورکړی چې واشنګټن به هېڅکله د تهران له اوسنیو شرایطو سره کومه هوکړه ونه کړي. هغه ګواښ کړی چې د هرمز تنګي پرانیستل یوازې د امریکا د غوښتنو په منلو یا د ایران د مشرانو په له منځه وړلو شونې ده.
#هرمز\_تنګی #ټرمپ #منځنی\_ختیځ
🌐
