له شپږم ټولګي پورته د نجونو د ښوونځیو د تړل کیدو څخه نږدې پنځه کاله وروسته په کابل کې دیني مدرسو ته د افغان نجونو تګ زیات شوی دی. کورنۍ دا مدرسې د خپلو لوڼو د زده کړې لپاره د یوازیني بدیل په توګه غوره کوي.
د دې مدرسو ښوونکي تاییدوي چې په وروستیو میاشتو کې د نجونو د نوم لیکنې غوښتنه په کلکه لوړه شوې ده. زده کوونکي وایي چې که څه هم دیني مدرسې د رسمي او عصري زده کړو ځای نشي نیولی خو اوس مهال دا د دوی لپاره یوازینۍ لاره ده.
د طالبانو حکومت په افغانستان باندې د بیا واکمنیدو راهیسې د ښځو او نجونو په زده کړو سخت محدودیتونه لګولي دي. سره له دې چې په هیواد کې زرګونه مدرسې جوړې شوي خو نجونې لاهم د ښوونځیو د پرانیستلو غوښتنه کوي.
#افغانستان #ښځې #زده\_کړه
🌐
