د پاکستان امنیتي چارواکو اعلان وکړ چې د بلوچستان ایالت د خاران سیمه کې د یوې استخباراتي عملیاتو کې د تحریک طالبان پاکستان (تی ټی پی) اووه غړي وژل شوي دي. دا عملیات د اسد ۲۵ نیټه د «ردالفتنه ۳» تر چوکاټ لاندې ترسره شوې.
پاکستاني چارواکو وویل چې وژل شوي کسان د خاران او شاوخوا سیمو کې د لوټمارۍ، اخاذۍ، د تاوان لپاره د کسانو اختطاف، هدفمندو وژنو او د انتحاري بریدونو د پلان جوړولو کې برخه لرله. د عملیاتو پر مهال یو پټځای ړنګ او وسلې، مهمات، دوه موټرې او یوه موټرسایکل کشف شوه.
بلوچستان او خیبرپښتونخوا، چې دواړه د افغانستان سره پوله لري، د پاکستان کې د وسله والو ډلو د فعالیت اصلي سیمې دي. اسلام آباد ډیری ځله د طالبانو حکومت د تی ټی پی جنګیالیو پناه ورکولو تور لاندې راوستی چې طالبان یې رد کوي.
#پاکستان #تی\_ټی\_پی #بلوچستان #امنیتي\_عملیات #طالبان
