سابق جمهور رئیس اشرف غنی نینگ مشاوری وحید عمر، طالبان حکومتی نی روسیه تشقی استخبارات باشلیغی نینگ کابلگه سفرینی رسانه لشتیرگنی اوچون تنقید قیلیب، بو ایشنی «پروتوکول کفری» دېب اته دی.
جناب عمر، مملکتلر استخبارات باشلیقلری نینگ سفرلری کۉپینچه مخفی بۉلیشینی و آچیق دیپلوماتیا نینگ بیر قسمی حسابلنمسلیگینی ایتدی. او، طالبان نینگ بو خبرنی رسانه لشتیریش سببی، روسیه نینگ «اسلامی و غیراسلامی مملکتلر اۉرته سیده اولرنینگ یگانه دۉست مملکتی» ایکنینی ادعا قیلدی.
او طالباننی «اېللیک ییل بویچه روسیه، الحاد، امریکا، قوللیک و جهاد نامی بیلن اۉلدیریب» کیلگنلیکده عیبلب، لیکن بوگون روسیه بیلن علاقه لرنی «ایفتخار و مباهات» منبعی سفتیده کۉریشلرینی ایتدی.
غنی نینگ سابق مشاوری شونینگدېک طالبان تشقی ایشلر وزیرلیگی سرپرستی امیرخان متقی نینگ مسکوگه سونگگی سفرینی هم اشاره قیلیب، متقی نینگ روسیه ده، روسیه تشقی ایشلر وزیری سرگی لاوروف نینگ طالبان دن خرسند ایکنینی فخر بیلن ایتگنینی بیلدیردی.
بو تنقیدلر، خبرلرگه کۉره، روسیه تشقی استخبارات خدمتی باشلیغی نینگ پنجشنبه کونی کابلگه تشریف بویوریب، طالبان حکومتی استخبارات باشلیغی عبدالحق وثیق بیلن اوچره شگن بیر پیتده بیان قیلینماقده.
طالبان حکومتی هلی گچه بو سفر و صحبتلرنینگ تفصیلاستی حقیده هیچ نرسه دیمه گن، لیکن بو ایشنی رسانه لشتیریش، اوشبو گروه نینگ روسیه کبی منطقه وی قدرتلر بیلن اۉز علاقه لرینی کۉزگه کۉرسه تیش اوچون سعی و حرکتینی کۉرسه ته دی.
منبع: وحید عمر نینگ سۉزلری
🌐
