واتس
اپ پیام لریدن آلینگن دېب ایتیله یاتگن اسکرین شاتلرگه اساساً، بلخ ولایتی اوچون طالبان والیسی محمد یوسف وفا نینگ سکرتری حضرت علی گه قرشی کینگ دایره لی فساد عیبلاولری ایلگری سوریلدی.
اجتماعی ترماقلرده قولمه قول بۉلیب یورگن بو تصویرلر، گویا حضرت علی نینگ بیر کمیشنچی یاکه دلال صفتیده ایشلب، مینگلب دالر آلگنلیگی عوضیگه، خلق نینگ ایشلرینی بلخ محکمه لری، خوفسیزلیک حوزه لری و استخبارات ریاستیده بیتیره یاتگنی نی کۉرسه ته دی.
بو عیبلاولرده، او نینگ خصوصاً یېرگه تېگیشلی قضيه لر و باشقه حقوقی دعوالرگه مداخله قیلیشی ادعا قیلینگن. اسکرین شاتلرده اشاره قیلینگن مشخص بیر موردده، او نینگ دعوا تامانلریدن بیریدن اون مینگ امریکا دالری سۉره گنی ایتیله دی.
بو حجت لر، اگر صحت لیگی تصدیقلنسه، طالبان حکومتی ساختاریده گی اداری فساد نینگ بیر نمونه سی بۉلیشی ممکن. بو موضوع نی طالبان گروهی هر دایم اونگه قرشی کوره
شیش ادعاسینی قیلیب کیلگن.
حاضرگه قدر بلخ ده گی محلی طالبان رسمی لری یاکه اوشبو گروه نینگ مرکزی سۉزچیلری بو عیبلاولرگه رسمی عکس العمل کۉرسه تمه گنلر. اوشبو اسکرین شاتلرنینگ صحتلیگی هم مستقل روشده تصدیقلنیشی ممکن اېمس.
بوندن آلدین هم افغانستان نینگ تورلی منطقه لریده طالبان گه باغلیق شخص لر تامانیدن فساد، باج آلېش و قدرت دن سوء استفاده قیلیش حقیده کۉپلب گزارش و ادعالر ترقه لگن. بو عیبلاولر طالبان نینگ فسادنی یۉق قیلیش باره سیده گی ادعالری نینگ اعتبارینی سوال آستیگه قۉیه دی.
منبع: اجتماعی ترماقلرنینگ گزارشلری
🌐
