غرب هند نینگ سینما ایشچیلری فدراسیونی (FWICE)، بالیوود اولدوغی تایگر شروف نینگ موتریگه آتش آچیش حادثه سینی محکوم قیلیب، او و اونینگ عایله سی اوچون خوفسیزلیک تأمین اېتیلیشینی طلب قیلدی.
بو حادثه یکشنبه آخشام ساعت ۷ اطرافیده ممبئی شهری نینگ جوهو منطقه سیده، تایگر شروف بیر فوتبال کلوبی دن موتری بیلن چیقیاتگن پیتده یوز بېرگن. ناتانیش کیشیلر اونینگ موتریگه آتش آچگنلر. پولیس نینگ معلوماتیگه کۉره، بېش مرته آتش آچیلگن.
بو حادثه ده، تایگر شروف مرمه یره سی دن ساغ چیقدی، اما اونینگ شوفری فردوس، چاپ قولیدن یره لنگن. جناب شروف هم «باروت و شیشه پارچه لری» سببلی قولیده سطحی یره لر آلگن.
بو ایککینچی مرته بونده‌ی حادثه دیر کی هند سینما سی نینگ بیر تانیقلی شخصیتی نی هدف قرار بېره دی. بوندن آلدین، تانیقلی فلم ایشلب چیقرووچی روهیت شتی بیلن هم شونگه اوخشش بیر حادثه یوز بېرگن اېدی. سینما ایشچیلری فدراسیونی بو تکرار حادثه لرنی تشویشلی دېب اته گن.
بو حادثه دن سونگ، مهاراشترا ایالتی نینگ وزیر اعلا معاونی، ایکنات شینده، یکشنبه کونی آخشام تایگر شروف نینگ اوییگه باریب، اونینگ وضعیتی نی سوره‌دی و حکومت نینگ حمایتی دن ایشانچ بېردی. او بو هجومی محکوم قیلدی و حکومت نینگ بونده‌ی ایشلرنی تحمل قیلمسلیکنی ایتدی.
ممبئی پولیسی بو آتش آچیش حقیده تیکشیرو اوچون ۱۵ تیم تشکیل بېرگن. اولر تایگر شروف نینگ شوفری نینگ بیاناتینی ثبت قیلگنلر و بو هجوم نینگ عامللرینی تانیش و قولگه آلیش اوچون تیکشیرولر دوام اېتماقده.
منبع: Zarin TV
🌐
