سعودی عربستان، پاکستان و ترکیه نینگ یوکسک مرتبه لی رسمی لری دوشنبه کونی منطقه وی خوفسیزلیک و سونگگی کېسکین لیک لرنی کمه یتیریش حقیده صحبت قیلیش اوچون تهرانگه سفر قیلیشلری ریجه لنگن. رویترز خبر آژانسی نینگ معلوماتیگه کۉره، بو ییغیلیش اورته شرقده توقنشوو لرنینگ کینگه‌ییشی حقیده گی خواطر لر آرتگن بیر پیتده اۉتکزیله دی.
بو هیئتده سعودی عربستان مدافعه وزیری شهزاده خالد بن سلمان، پاکستان اردو باشلیغی فیلد مارشال عاصم منیر و ترکیه استخبارات تشکیلاتی نینگ باشلیغی ابراهیم کالین قتنه شه دی. بو سفر، منطقه وی قدرت لرنینگ بیر دیپلوماتیک ییچیم تاپیش اوچون هماهنگ حرکت لری نی کۉرسته دی.
ایران تشقی ایشلر وزیرلیگی سۉزچیسی اسماعیل بقایی نینگ ایتیشیچه، بو صحبت لرده امریکا و اسرائیل نینگ ایرانگه قرشی حربی اقدام لری نینگ نتیجه لری، فلسطین و لبنان وضعیتی و اسرائیل سیاست لری بحث ایتیله دی. بو صحبت لر ایرانگه اۉз نقطه نظرینی منطقه وی شریک لری بیلن اورته گه قۉییش اوچون فرصت یره ته دی.
سعودی عربستان تشقی ایشلر وزیر معاونی رائد کریملی، بو ییغیلیش نینگ مقصدی نی «بحران نی کمه یتیریش، دیپلوماتیک ییچیم لرنی تشویق قیلیش و قطر همده پاکستان رهبرلیگیده گی واسطه چیلیک حرکت لریدن حمایت قیلیش» دېب اتدی.
ایران رسمی لری بو ییغیلیش نینگ مملکت لرنینگ مشترک منفعت لری اساسیده منطقه وی خوفسیزلیک همکارلیک میکانیزمی نی ایجاد قیلیش اوچون بیرینچی قدم بۉلیشی ممکن لیگینی امید قیلگنلر. بو اوچره شوو تهران و واشنگتن اۉرته سیده گی کېسکین لیک لر جدی شکلده آرتگن و توقنشوو لرنینگ قیته باشلنیشی احتمالی موجود بۉلگن بیر پیتده یوز بېره دی.
بو دیپلوماتیک حرکت لر، قطر و پاکستان رهبرلیگیده گی آلدینگی واسطه چیلیک حرکت لرنینگ بیر دواملی تینچلیککه اېریشیشده قیینچیلیک لر بیلن روپه ره بۉلگن و منطقه نینگ هلی هم نازک بیر وضعیتده قالگن شرایطده عملگه آشیریله دی.
منبع: رویترز
🌐
