بیرلشگن ملتلر تشکیلاتی نینگ قاچقینلر عالی کمیشنرلیگی (UNHCR) تامانیدن بېریلگن ینگی راپورگه کۉره، دنیا بۉیلب قریب ۹۰ میلیون آواره قۇرغاقچیلیک، سیلابلر و جدی ایسسیقلیک کبی اقلیمی تهدیدلرگه دوچ کېلگن مملکتلرده یشه‌ماقده.
مذکور نهاد نینگ ینگی راپوریگه اساس، دنیا آواره‌لری نینگ تۉرتدن اوچ حصه‌سی افغانستان و بنگلادش کبی اقلیم اۉزگریشلری نینگ جدی خطرلریگه روپه‌ره بۉلگن مملکتلرده حیات کېچیرماقده‌لر.
بو مملکتلر حاضرگی کونده محیط زیست اۉزگریشلری نینگ ویرانگر عاقبتلری بیلن کوره‌شماقده، بو اېسه آواره‌لر اوچون وضعیتنی ینه هم قیین‌لشتیره‌دی.
بیرلشگن ملتلر تشکیلاتی نینگ قاچقینلر عالی کمیشنرلیگی بو راپورنی اقلیم اۉزگریشلری ییغیلیشی (کاپ۳۱) دن آلدین ترقه‌تیب، آواره‌لرنی قۉللب-قوتلش اوچون خلق‌ارا یاردملر کۉپه‌ییشینی سۉره‌گن.
سۉنگی ییللرده کېتمه-کېت قۇرغاقچیلیک و اۉلیمگه سبب بۉلووچی سیلابلرگه گواه بۉلگن افغانستان، اقلیم اۉزگریشلری طفیلی یوزه‌گه کېلگن بحرانلرگه اینگ کۉپ زیان کۉرووچی مملکتلردن بیری حسابلنه‌دی.
منبع: بیرلشگن ملتلر تشکیلاتی نینگ قاچقینلر عالی کمیشنرلیگی
🌐
