طالبان حکومتی نینگ ایچکی ایشلر وزیرلیگی پکتیا ولایتی نینگ مرکزی گردیز شهریده اۉنلب امنیتی کامره‌لر نصب قیلینگنینی معلوم قیلدی.
مذکور وزیرلیککه کۉره، بو کامره‌لردن فایده‌لنیش پنج‌شنبه کونی (۱۴ عقرب) طالبان نینگ محلی رسمی‌لری اشتراکیده‌گی مراسمده رسماً باشلنگن.
طالبان حکومتی رسمی‌لری بو کامره‌لرنی نصب قیلینیشینی امنیتنی تأمینلش همده احتمالی امنیتی و جنایی حادثه‌لرنی آلدینی آلیش یۉلیده‌گی مهم قدم ده‌ب بهاله‌گن. شونینگدېک، اولر گردیز شهری یشاوچیلریدن امنیتنی تأمینلشده همکارلیک قیلیشلرینی سۉره‌گن.
بوندن آلدین هم طالبان حکومتی افغانستان نینگ تورلی شهرلریده، جمله‌دن کابلده، نظارتنی کوچه‌یتیریش اوچون مینگلب امنیتی کامره‌لرنی نصب قیلگن اېدی.
بیراق، امنیتنی تأمینلش ادعالریگه قره‌می، طالبان حکومتی تامانیدن کیشیلرنینگ شخصی حریمی بوزیلیشی بۉییچه اهالی اۉرته‌سیده کېنگ خواطرلر موجود.
منبع: طالبان ایچکی ایشلر وزیرلیگی بیاناتی
🌐
