لوړپوړې امریکایۍ سناتورې جین شاهین، په قطر کې د «السیلیه» کمپ د تړلو په اړه د بایډن د حکومت پریکړه «د شرم وړ» او «غیر مسوولانه» وبلله.
دا کمپ د هغو افغانانو د لنډمهاله استوګنې یو له اصلي مرکزونو څخه و چې له امریکایي ځواکونو سره یې همکاري کړې وه.
شاهین خبرداری ورکړ چې له روښانه پلان پرته د افغان متحدینو پریښودل، د امریکا ارزښتونو ته خیانت دی او پر واشنګټن نړیوال باور کمزوری کوي.
هغې ټینګار وکړ چې د دې کمپ ډیری اوسیدونکي په امریکا کې د میشتیدو شرایط لري.
د دې مرکز په تړل کیدو سره، د سلګونو افغان کډوالو د برخلیک په اړه اندیښنې زیاتې شوي چې په بې سرنوشته حالت کې دي.
د بشري حقونو فعالان وایي چې افغانستان ته د دې کسانو اجباري ستنول کولای شي د هغوی ژوند له خطر سره مخ کړي .
