د ملګرو ملتونو د بشري مرستو د همغږۍ دفتر اعلان کړی چې د طالبانو حکومت او پاکستاني پوځیانو ترمنځ تازه سرحدي نښتو بشري اړتیاوې زیاتې کړې دي. دغو متقابلو بریدونو د افغانستان په ختیځ کې لسګونه ملکیانو ته مرګ ژوبله اړولې ده.
په کونړ ولایت کې د هوایي بریدونو او ډزو له امله لږ تر لږه اووه کسان وژل شوي او نهه اویا نور ټپیان دي چې ډیری یې ښځې او ماشومان دي. دې نښتو روغتونونو او ښوونځیو په ګډون ملکي بنسټونو ته هم ډیر زیان رسولی دی.
دغه بنسټ وایي چې د لسګونو روغتیایي مرکزونو فعالیت دریدلی او د زرګونو زده کونکو تعلیمي بهیر ګډوډ شوی دی. همدارنګه ارزونې ښیي چې په ختیځو او سویل ختیځو ولایتونو کې له سلو زرو څخه ډیر کسان د دغو ناامنیو له امله بې ځایه شوي دي.
#افغانستان #پاکستان #سرحدي\_نښتې #ملکیان
🌍
