په بدخشان ولایت کې د وروستیو ناامنیو په ترڅ کې د دوو ملکي وګړو له وژل کیدو وروسته، ځایي خلک د پیښې د عاملینو د نیولو او محاکمې غوښتنه کوي. ویل کیږي چې تورن کسان د طالبانو له حکومت سره تړاو لري او اوس له خلکو سره په خبرو بوخت دي.
راپورونه ښیي چې په ځینو سیمو کې د کوکنارو د اړولو لړۍ په لنډمهاله توګه درول شوې ده. په دغه ولایت کې امنیتي وضعیت ښه نه دی او د کوکنارو د کښت او د سرو زرو د کانونو پر سر د خلکو او د طالبانو د حکومت د ځواکونو ترمنځ وسله والې نښتې زیاتې شوې دي.
د ارګو سربیره، خاش، شکي او جرم ولسوالۍ هم د سختو نښتو شاهدانې وې چې له امله یې لسګونه کسان مړه او ټپیان شوي دي. د طالبانو حکومت تر اوسه په رسمي ډول په دې اړه څه نه دي ویلي.
#افغانستان #بدخشان #سیمه\_ییز\_خبرونه
🌐
