د نیوزیلنډ د دفاعي ځواک د یوه غړي پوځي محاکمه د ډیونپورټ په سمندري اډه کې د یوه افغان ژباړونکي د مرګ په ګواښلو تورن پیل شوې ده. دغه ژباړونکي کلونه مخکې هڅه کړې وه چې نیوزیلنډ ته د خپلې میرمنې د لیږدولو لپاره د دې هیواد د دفاع له وزیر څخه مرسته وغواړي.
دغه افغان ژباړونکي په محکمه کې شاهدي ورکړه چې تورن دیارلس کاله مخکې ورته خبرداری ورکړی و چې که له وزیر سره خبرې وکړي نو وبه وژل شي. هغه له دوه زره او لسم میلادي کال راهیسې په بامیان ولایت کې له نیوزیلنډي ځواکونو سره همکاري کوله.
د نیوزیلنډ دفاعي ځواک په دوه زره او دولسم کال کې ځایي ژباړونکو ته وړاندیز کړی و چې له خپلو کورنیو سره افغانستان پریږدي. د دې دوسیې څیړنه ټاکل شوې چې د ژباړونکي د میرمنې په ګډون د نورو شاهدانو په شتون کې دوام ومومي.
#کډوالي #نیوزیلنډ #افغان\_ژباړونکی
🌐
