د کورنیو بې ځایه شویو د څارنې مرکز په خپل نوي راپور کې ویلي چې په تېر کال کې شاوخوا اووه میلیونه افغانان بې ځایه شوي دي. دغه بې ځایه کېدل تر ډېره د اوږدمهاله شخړو او طبیعي پېښو له امله رامنځته شوي دي.
د راپور له مخې شاوخوا څلور عشاریه څلور میلیونه کسان یوازې د تاوتریخوالي او شخړو له امله له خپلو کورونو وتلو ته اړ شوي دي. د دې ترڅنګ په ختیځو ولایتونو او مزارشریف ښار کې مرګونو زلزلو هم زرګونه کسان بې ځایه کړي دي.
دې بنسټ خبرداری ورکړی چې لسیزو جګړو او پرله پسې وچکالیو د خلکو د ژوند او بیارغونې لپاره ډېرې کمې سرچینې پرېښي دي. د ویجاړ شویو بنسټونو او د بودیجې د کمښت له امله خپلو سیمو ته د بې ځایه شویو ستنېدل ستونزمن شوي دي.
🌐
#بې\_ځایه\_شوي #افغانستان #بحران #زلزله
