د ایران د بهرنیو چارو وزارت اعلان کړی چې په سویس هیواد کې د ایران او امریکا د پلاویو ترمنځ پلان شوې ناسته ځنډول شوې ده. دې وزارت ټینګار کړی چې په راتلونکو ورځو کې به د دې مهمې ناستې د جوړولو لپاره همغږۍ په جدي توګه دوام ولري.
په ورته وخت کې د ایران د بهرنیو چارو وزیر عباس عراقچي د اسراییلو پر تګلارو په سختې نیوکې سره ویلي چې دا هیواد په منځني ختیځ کې د یوې دایمي جګړې د رامینځته کولو په لټه کې دی. هغه د اسراییلي چارواکو څرګندونې د نړیوالې سولې لپاره یو لوی ګواښ وباله.
له بلې خوا تازه راپورونه ښیي چې په لبنان کې د اسراییلو او حزب الله ترمنځ د اوربند هوکړه شوې ده. په سیمه کې د کړکېچ زیاتوالی د ایران او امریکا د خبرو د ځنډېدو یو له اصلي لاملونو څخه ګڼل کېږي.
#منځنی\_ختیځ #ایران #امریکا
🌐
