ایرانده نشر بۉله‌دیگن «جمهوری اسلامی» روزنامه‌سی، چهارشنبه کونی اۉز باش مقاله‌سیده، طالبان حکومتی نی «ایران گه قرشی بیر تینچ اوروش» آلیب باریشده عیبله‌دی. بو روزنامه تهران نینگ کابل گه نسبت سیاستی نی جدی تنقید قیلیب، حاضرگی یانداشوو نینگ ایران نینگ اوزاق مدتلی منفعتلریگه ضرر ییتکیزیشی حقیده آگاهلنتیردی.
باش مقاله یازوچیسی، طالبان نینگ افغانستانده امریکا حضوریگه خاتمه بېرگنی حقیده گی قره‌شنی بیر «خطا» دېب атаб، بو گروه نینگ واشنگتن حمایتی و یشیرین کیلیشووی بیلن قدرت گه قیتگنینی ادعا قیلدی. بو روزنامه گه کۉره، آلدینگی دولت نینگ تیزلیک بیلن قوله شی و طالبان نینگ کابل نی مقاوم تسز قولگه آلیشی، بو کیلیشوو نینگ نشانه لریدن دیر.
بو روزنامه شونینگدیک، طالبان نینگ قدرت گه کیلگنیدن سۉنگ، امریکا بیلن علاقه‌لرینی سقلب قالگنینی و واشنگتن نینگ آیلیک مالی یاردم لریدن فایده لنه یاتگنینی ادعا قیلگن. باش مقاله‌ده کیلتیریلیشیچه، طالبان عینِ پیتده، تهران گه یقین جریانلر و مخصوص قومی و مذهبی گروه لرنی چیکلب، افغانستانده ایران نینگ عنعنوی نفوذی نی ضعیفلشتیریشگه حرکت قیلماقده.
هلمند سوو حقی موضوعسی هم بو باش مقاله نینگ باشقه بیر تنقیدی محوری دیر. یازوچی، طالبان نینگ بو خصوصده تقابلی بیر یانداشوو اختیار ایتگنینی ایشانماقده. هلمند سووی بۉییچه تارتیشوو اوچ ییل دوامیده ایکّی تامان مناسبت لری نینگ کۉپ مرتبه یامانلشیشیگه سبب بۉلگن.
جمهوری اسلامی روزنامه‌سی بو مطلب نینگ باشقه بیر قسمیده، هیچ قنده‌ی سند تقدیم ایتمسدن، طالبان نی ایران گه اۉز عامللرینی نفوذ قیلدیریش و بعضی هجوملرده قۄلی بۉلگنلیکده عیبله‌گن. بو ادعالر شونده‌ی بیر حالده مطرح بۉلماقده که، تهران طالبان حکومتی نی رسمًا تانیمسدن، افغانستان سفارتخانه‌سینی بو گروه گه تاپشیرگن و اولر بیلن کینگ علاقه‌لرگه اېگه.
ایران و طالبان مناسبتلری اوچ دهه دوامیده دایماً یوقاری و قویی بۉلگن. ایکّی تامان ۱۳۷۰ نچی ییللرده اوروش آستانه‌سیده بۉلسه لر-ده، ۲۰۰۱ نچی ییلدن کیین اولر آره سیده حاضرگچه دوام اېتگن ارتباط کاناللری شکللنگن.
منبع: Zarin TV
🌐
