ینگی بیر گزارش متخصص لرنینگ سۉزلریدن نقل قیلیب آگاهلنتیره‌دی که کابل دنیا ده گی بیرینچی زمانه وی شهرگه ایلنیش یولیده دیر که اونینگ یېر آستی سوو ذخیره لری ۲۰۳۰ نچی ییلگچه، یعنی فقط تۉرت ییلدن سۉنگ، توگه شی ممکن. سی ان ان خبر شبکه‌سی تامانیدن و «پراسپر گلوبل» موسسه سی نینگ تاپیلگنلریگه اساسلنیب تیارلنگن بو گزارش، افغانستان پایتختیده گی سوو بحرانینی جوده جدی دیب توصیفلیدی.
بو گزارشگه کۉره، کابل نینگ یېر آستی سوولری سطحی اوتگن بیر دهه ده تخمیناً ۳۰ متر کمه یگن. بو شونده‌ی بیر حالده که، بو منبعلردن سوو آلینیشی اونینگ ینه تولیب تاشیشی میزانی دن کوپراق دیر. تخمینلر کۉرسه تیشیچه، پایتخت هر ییلی تخمیناً ۴۴ میلیون متر مکعب سوو کمچیلیگی بیلن روپه رو و شهر نینگ تخمیناً یریمی چقور قودوقلری هم قوریب قالگن.
یېر آستی سوولری کابل اهالیسی نینگ تخمیناً ۸۰ فایز سوو ضرورتی نی تأمینلیدی، لیکن بو گزارش تأکیدلیدی که اهالی نینگ فقط بېشدن بیر قسمی منظم پایپ سوویگه قول تاپیشی ممکن. بو وضعیت کابل اهالیسی نینگ کتّه بیر قسمی اوچون سوو بحرانینی آچیق بیر کونده لیک حقیقتگه ایلنتیرگن.
سی ان ان اۉز گزارشیده ایچیم‌لیک سووینی قولگه کیریتیش اوچون مسجدلر و قول پمپلری یانیده اوزون صفلرده ساعتلب کوتیشگه مجبور بولگن عایله لرنینگ وضعیتینی کۉرستگن. باشقه کوپچیلیک هم اۉز آز درآمدلری نینگ کتّه بیر قسمینی شخصی تانکرلردن سوو ساتیب آلیشگه صرفلشگه مجبورلر.
بو گزارش کۉرسه تیشیچه، کابلده گی بعضی کمبغل عایله لر اۉز آیلیک درآمدلری نینگ ۳۰ فایزیگچه سوو ساتیب آلیشگه خرج قیله دیلر. بو شونده‌ی بیر حالده که، بیرلشگن ملتلر تشکیلاتی نینگ ایتیشیچه، سوو اوچون قبول قیلینه دیگن هزینه بیر عایله نینگ درآمدی نینگ اوچ فایزیدن کوپ بولمسلیگی کېره ک.
بو بحران اقتصادی و صحی قیینچیلیکلرگه قۉشیمچه، اجتماعی باسیملرنی هم آرتیرگن. دواملی قورغاقچیلیک، اهالی نینگ اۉسیشی و سوو منبع لرینی توغری باشقریش نینگ یوقلیگی بیلن، میلیونلب کابل اهالیسی اوچون کیله جک جوده تشویشلی کۉرینه دی.
منبع: سی ان ان
🌐
