بریتانیا ده بیر ۱۹ یاشر اۉسمیر، قان نینگ جدی بیر کسللیگی دن تداوی بۉلگندن سۉنگ، بو مملکتده خصیه تۉقیمه سی پیوندی نی قبول قیلگن بیرینچی کیشی بۉلدی. بو، یاش سرطان مریض لری اوچون نسل قالدیریش نی سقلش ساحه‌سیده بیر بویوک آدیلیش حسابلنه‌دی.
بریتانیا رسانه‌لری نینگ گزارشیگه کۉره، ادینبورگ ده گی داکترلر، اوچ ییل آلدین بو بیمار نینگ بدنیدن آلینیب و منجمد قیلینگن تۉقیمه نی قیته پیوند قیلدیلر. بریتانیا ده بیرینچی مرته بیر اۉسمیرگه قیلینگن بو ایش نینگ مقصدی، اونگه کېله جکده اسپرم تولید قیلیشگه یاردم بېریش دیر.
"بریتانیا سرطان بیلن باله لر" خیریه موسسه‌سی نینگ مالی حمایتی و ادینبورگ یونیورسیتیتی تامانیدن اون ییللیک تحقیق نتیجه سیده قولگه کیریتیلگن بو موفقیت، کیموتراپی کبی تهاجمی تداویلرنی باشلشدن آلدین اسپرم منجمد قیله آلمه یدیگن باله‌لرگه ینگی بیر امید بغیشلشی ممکن.
پیوند قیلینگن تۉقیمه، کېله جکده اسپرم تولیدی اوچون ضروری بۉلگن مخصوص بنیادی حجره‌لرنی اۉز ایچیگه آله‌دی. بو حجره‌لر باله‌لیک دوریده و بلوغت دن آلدین بدن ده موجود بۉلیب، کېله جکده فایده لنیش اوچون سقلنیشی ممکن.
ادینبورگ نینگ قیته تیکلش و ترمیم انستیتیوتی دن پروفیسر راد میچل، بو حادثه نی "بیر بویوک قدم" دېب اته‌دی. او ایتدی: «بو، نسل قالدیریش توانلریگه ضرر یتکره‌دیگن تداویلرگه روپه ره بۉلگن باله‌لرگه، اۉز باله لریگه اېگه بۉلیشلری اوچون یاردم بېریش یلیده بیر بویوک قدم دیر.»
بو پیوند نینگ نتیجه‌لری یقین آره‌ده انیقلنیشی کوتیله‌دی. موفقیتلی بۉلگن تقدیرده، بو اصول هر ییلی مشابه تداویلرگه دوچ کېله‌دیگن بریتانیا ده گی ۱۲۰۰ دن آرتیق یاش بیمار اوچون نسل قالدیریش امکانیتلرینی آچیب، اولرگه کېله جکده آتا بۉلیش فرصتینی بېریشی ممکن.
منبع: رسانه‌لرنینگ گزارشلری
🌐
