طالبان کنترولی آستیده گی ملی امتحان لر اداره سی، طبی فعالیت جوازنامه سی یا-ده «اېگزیت» امتحانی نینگ ایرته جمعه کونی قیز فارغلر نینگ اشتراکی سیز اۉتکزیلیشینی اعلان قیلدی.
بو اداره نینگ سۉزلاوچیسی ناصرخان شیرزی، پنجشنبه کونی ۱۶ میزانده، بو امتحان نینگ معالجوی طب فارغلریدن آلینیشینی ایتگن. اونینگ سۉزلریگه کۉره، تیش طبابت فارغلری اوچون اېگزیت امتحانی ۲۴ میزانده بۉلیب اۉته دی.
بو شونده ی بیر حالده که، قیز فارغلر اۉتگن بېش ییلدن بویان بو تقدیرنی بېلگیلاوچی امتحانده اشتراک اېتیشدن محروم قیلینگنلر. بو امتحان افغانستانده طبی ایش جوازینی آلیش اوچون ضروری و اونده قتنشمسلیک مینگلب قیزلر اوچون داکتر بۉلیش آرزوسی نینگ توگه شی دېمکدیر.
بو محرومیت نه فقط تعلیم آلیب قیزلر نینگ کېله جگیگه منفی تاثیر قیله دی، بلکه خاتین قیزلر نینگ ساغلیکنی سقلش خدمت لریگه اېریشیشینی هم جدی قیینچیلیکلر بیلن دوچ قیله دی. افغانستان کبی عنعنوی بیر جمعیتده، کۉپچیلیک عایله لر اۉز عایله سی نینگ خاتین اعضالرینی خاتین داکتر لر تامانیدن تداوی ایتیلیشینی ترجیح بېره دیلر.
قیزلر نینگ بو امتحان دن محروم ایتیلیشی مملکت بۉیلب شفاخانه و کلینیک لرده خاتین داکتر لر نینگ جدی کمچیلیگیگه سبب بۉلگن. بو وضعیت اوزاق ولایت لرده آللیدیچه محدود بۉلگن ساغلیکنی سقلش خدمت لریگه اېریشیشنی هم بحرانی قیلیب قۉیگن.
منبع: رسانه لر
🌐
