اسرائیل رسانه لری نینگ گزارشیگه کۉره، امریکا قوشمه ایالتلری قوراللی کوچلری نینگ یوقاری مرتبه لی قوماندانلری اسرائیل اردوسی باشلیک لری باشلیغی جنرال ایال ضمیرگه، آق اوی نینگ کېله جک هفته لرده ایران اسلام جمهوریتیگه قرشی کینگ کۉلملی بیر هجوم احتمالی اوچون یۉل یۉریق لر بېرگنینی معلوم قیلگن.
نامعلوم منبع لرگه تیه نیب ترقه تیلگن بو گزارش لر، اوشبو معلومات نینگ ایکّی کون آلدین جنرال ضمیرگه بېریلگنی نی بیلدیرماقده. بو ینگیلیک منطقه ده کېسکینلیک نینگ جدی شکلده آشیب بارётگنی نی کۉرسه ته دی.
خبرها دوامیده، جنرال ضمیر نینگ اسرائیل سیاسی رسمی لریگه، ایرانگه هجوم، ۲۷ اکتوبرگه ریجه لنگن اسرائیل عمومی سیلاولری نینگ کېینگه سوریلیشیگه سبب بۉلیشی ممکن لیگینی ایتگنی قید ایتیلگن. بو، تهدید نینگ جدیتی و اونینگ اسرائیل ایچکی خوفسیزلیگی اوچون احتمالی عاقبت لرینی کورسته دی.
بو خبر، ایران و دنیا کوچلری اۉرته سیده گی یادرولیک مذاکره لرنینگ بن بستگه کیریب قالگن و ایران نینگ یادرولیک برنامه سی نینگ آلغه سیلجیشی باره سیده گی خواطرلر آرتگن بیر پیتده ترقه لماقده.
آق اوی یا-ده پنتاگون هلیگچه بو گزارش لرگه رسمی روشده عکس العمل بیلدیرمه گن. هر حالده، بونده ی خبرلرنی ترقه تیش، ایراننی ینگی شرط لر آستیده مذاکره میزگه قَیتیشگه مجبورلش اوچون روانی باسیم و اوروش نینگ بیر قسمی بۉلیشی ممکن.
منبع: اسرائیل رسانه لری
🌐
