امریکا نینگ افغانستان تینچ لیگی بۉییچه سابق مخصوص نماینده سی زلمی خلیلزاد، کابلده امام ابوحنیفه نینگ بېشینچی ملی و خلق ارا نمایشگاهی نینگ اۉتکزیلیشینی خوش قرشیله دی. او بو تدبیر نی تجارت نی رواجلنتیریش و افغانستان نینگ منطقه و دنیا بیلن اقتصادی علاقه لرینی کوچه‌یتیریش اوچون مثبت بیر قدم دېب اته دی.
اوشبو نمایشگاه چهارشنبه کونی کابلده ایچکی و تشقی شرکت لر اشتراکیده آچیلدی. مسئول لرنینگ ایتیشیچه، بو نمایشگاهده تقریباً ۷۰۰ غرفه تورلی محصول لر و خدمت لرنی نمایش گه قۉییش اوچون نظرده توتیلگن که بو مملکتده خصوصی سکتور نینگ اقتصادی فعالیت لرگه بولگن قیزیقیشینی کۉرسه ته دی.
جناب خلیلزاد بیر پیامده، بونده ی نمایشگاه لر افغان سوداگرلری اوچون ینگی فرصت لر یره تیشی و مملکتده کۉپراق سرمایه گذارلیک اوچون یۉل آچیشی ممکن لیگینی ایتگن. او اقتصادی علاقه لرنی کوچه‌یتیریش افغانستان نینگ ثباتی و کېله جگی اوچون حیاتي اهمیت گه اېگه لیگینی تاکیدله دی.
امام ابوحنیفه نمایشگاهی یېتتی کون دوامیده تاماشاچی لر اوچون آچیق بوله دی. بو مدت ایچیده افغان و چیت اېل شرکت لری اۉرته سیده کۉپلب تجاری کیلیشوو لر امضالنیب، ایچکی محصول لرنینگ دنیا بازارلریگه صادراتی اوچون زمینه مساعد بۉلیشی انتظار قیلینه دی.
تشکیلاتچی لر بو نمایشگاه دنیاگه افغانستان نینگ فرقلی بیر تصویری نی تقدیم قیلیب، قیین چیلیک لرگه قره می بو مملکتده اقتصادی و تجاری فرصت لر موجود لیگینی کۉرسه تیشیگه امید بیلدیرگن لر.
بو تدبیر افغانستان اقتصادی سونگگی اۉزگریش لردن سۉنگ جدی قیین چیلیک لر بیلن یوزمه یوز بولگن بیر پیتده اۉتکزیلماقده. اقتصادی فعال لر بونده ی برنامه لر مملکت اقتصادی چرخینی حرکت گه کېلتیریب، سرمایه گذارلر و خلق اۉرته سیده امید نی آرتتیریشی ممکن لیگینی ایشانه دیلر.
منبع: اجتماعی ترماق لر
🌐
