پاکستان تشقی ایشلر وزیرلیگی نینگ سۉزچیسی، کابل نینگ پاکستان تحریک طالبانی (TTP) و بلوچستان اۉزلیککه چیقریش قۉشینی (BLA) کبی ترورچی گروه لر اوچون تینچ بیر پناهگاه گه ایلنگنینی ادعا قیلدی. بو بیانات لر ایککی قۉشنی مملکت اۉرته سیده گی کېسکین لیکنی ینه ده آرتتیرگن.
اوشبو وزیرلیک نینگ سۉزچیسی سجاد حیدرخان، جمعه کونی، ۱۷ میزان، بیر خبر ییغیلیشیده بو گروه لرنینگ افغانستان توپراغیدن پاکستان گه قرشی هجوم لرنی ریجه لشتیریش و عملگه آشیریش اوچون فایده لنه یاتگنینی ایتدی. او پاکستان نینگ سونگگی پیت لرده افغانستان ایچیده گی نقطه لرگه قیلگن حربی هجوم لری نینگ «جوده دقیق» بولگنینی و اوشبو گروه لر تامانیدن قوللنیلگن معین جای لرنی هدف آلگنینی تاکیدله دی.
حیدرخان نینگ ایتیشیچه، اسلام آباد کۉپ مرته بو گروه لرنینگ دقیق جای لرینی طالبان حکومتی گه بیلدیرگن، لیکن اولر تامانیدن موثر بیر اقدام عملگه آشیریلمه گن. او قۉشیمچه قیلدی: «قچانکه طالبان پاکستان گه قرشی گروه لرنی قۉللب قوتلش دن واز کېچسه، اسلام آباد اولر بیلن دوستانه و قرداش لیک علاقه لرنی برقرار قیلیشنی ایسته‌یدی.»
بو ادعا لر طالبان حکومتی نینگ افغانستانده چیت اېل ترورچی گروه لری نینگ موجودیتینی و باشقه لرگه قرشی بو مملکت توپراغیدن فایده لنیشینی هر دایم رد قیلیب کیلگن بیر پیتده اېشیتیلماقده. طالبان رسمیلری کۉپ مرته، اسلام آباد اۉز ایچکی خوفسیزلیگینی تامین لشگه قادر اېمس و اۉز ناکام لیک لرینی افغانستان بۉینیگه یۉکله ماقچی بوله یاتگنینی ایتگن لر.
کابل و اسلام آباد اۉرته سیده گی کېسکین لیک لر پاکستان نینگ خوست و پکتیکا ولایت لریده هوا هجوم لرینی عملگه آشیریب، ملکی تلفات لرگه سبب بولگنیدن سۉنگ آرتدی. بو هجوم لر طالبان حکومتی نینگ جدی واکنشی بیلن روپه ره بولدی.
تحلیلچی لرنینگ ایشانچیگه کۉره، بو اۉز ارا عیبلاو لر ایککی مملکت علاقه لرینی مۆره کّب لشتیریب، منطقه ده خوفسیزلیک و اقتصادی همکارلیک لرگه سلبی تاثیر قیلیشی ممکن.
منبع: رسانه لر
🌐
