گزارش لرگه کۉره، ایران اۉز کته شهرلریده احتمالی شهر اوروش لریگه تیارگرلیک کۉریش اوچون عیال جنگچی لرنی جلب و جذب قیلیش جریانینی باشله گن. بو حرکت ایران نینگ مدافعه دکترینیده بیر استراتیژیک اۉزگریشنی کۉرسه ته دی.
«جان فدا» نامی بیلن تنیلگن بو ینگی عیال عسکرلر گروهی، مخصوص حربی ساحه لرده تعلیم کۉریشلری ریجه لشتیریلگن. اولرنینگ تعلیمی برنامه سی راکت لردن فایده لنیش، توغندی لرنی اوچیریش و اوچووچیسیز اوچارلر (درون) آرقه لی هجوم لرنی عملگه آشیریشنی اۉز ایچیگه آله دی.
گزارش لرده، ایرانلیک عیال لرنینگ بو حربی گروه گه قۉشیلیش اوچون قیزیقیشی نینگ «کۉریلماگن درجه ده یوقاری» بولگنی ایتیلگن. گرچه داوطلب لرنینگ دقیق سانی اعلان قیلینمه گن بولسه ده، بو جریان تېزلیک بیلن آلغه باره یاتگنی معلوم قیلینگن.
بو حربی بیرلیکنی تشکیل بیریشدن مقصد، ایران نینگ ایچکی و تشقی تهدید لرگه، خصوصاً شهر اوروش لری سناریولریده، قرشی مدافعه توانایی لرینی کوچه‌یتیریش دېب ایتیلگن. بو ایران نینگ بیرینچی مرته رسمی روشده بونده ی ماموریت لر اوچون عیال لردن تشکیل تاپگن بیر جنگی بیرلیکنی تشکیلات قیلیشی دیر.
حربی تحلیلچی لر بو اقدامنی زمانه وی اوروش لرنینگ اۉزگریب باره یاتگن ماهیتینی کۉرسه تووچی بیر جواب دېب بیله دیلر، که اونده شهر اوروش لری مرکزی رول اۉینه‌یدی. بو کبی توقنشوو لر اوچون عیال لرنی تعلیم بېریش آرقه لی، ایران اۉز استراتیژیک چوڭقورلیگی و قولده گی انسان کوچینی آرتتیریشنی کۉزده توته دی.
بو قرار خلق ارا سویه ده هم عکس صدالرگه سبب بولگن. بعضی کۉزه تووچیلر بو حرکتنی ایران نینگ هر قنده ی احتمالی هجوم گه قرشی تیارگرلیگی نینگ بیر بیلگیسی دېب بیلسه، باشقه لر جامعه نینگ ینه ده حربی لشیب باره یاتگنیدن تشویش بیلدیرگنلر.
منبع: رسانه لر
🌐
