روسیه جمهور رئیسی ولادیمیر پوتین اعلان قیلدی که، مملکتی امریکا و جهان بازارلریگه نفت عرضه قیلیش گه تیار. تاس خبر آژانسی نینگ گزارشی گه کوره، بو بیانلر جمعه کونی، ۹ اکتوبرده، پوتین و امریکا جمهور رئیسی دونالد ترمپ اورته سیده گی بیر تلفنی صحبتدن سونگ بیان ایتیلگن.
گزارش گه اساساً، ایکی جمهور رئیس جهان انرژی ساحه سی بیلن باغلیق مسئله لر حقیده صحبت قیلگنلر. روسیه نینگ بو پیشنهادی شونده ی بیر حالده مطرح بولگن که، بو مملکت نینگ نفت صنایعی تورت ییلدن بویان اوکراین گه حربی هجومی سببلی غرب مملکتلری تامانیدن آغیر تحریملر آستیگه آلینگن. بو تحریملر مسکو نینگ درآمدلرینی چیکلش و اونینگ اقتصادی گه باسیم اوتکزیش مقصدی بیلن وضع قیلینگن.
شونده ی بولسه ده، کورینیشیچه امریکا نینگ بو تحریملرگه نسبتن روشی ده اوزگریشلر یوز بیرماقده. بو گزارشده اشاره بولگن که، جمهور رئیس ترمپ هرمز بوغازی نینگ باغلنیشی سببلی نفت محصوللری بها سی نینگ جدی کوتریلیشی باعث، روسیه نفتی نینگ صادراتی اوچون معافیتلر وضع قیلگن. بو اقدامدن مقصد، امریکالیک مصرفچی لرگه اقتصادی باسیم نی کمه یتیریش و جهان انرژی بازارلریگه ثبات بغشلش دیر.
هرمز بوغازی نفت ترانزیتی اوچون جهان نینگ اینگ مهم سوو یوللریدن بیری دیر و بو منطقه ده هر قنده ی بی ثباتلیک نفت بهاسینی جدی شکلده کوتریشی ممکن. بازارده گی احتمالی بوشلیق نی تولدیریش اوچون روسیه نینگ تیارلیگینی بیلدیریشی، مسکو تامانیدن اوز نفوذینی انرژی بازارلریده کوپه یتیریش و غرب تحریملرینی چالش گه تارتیش اوچون بیر استراتیژیک حرکت دیب سنله دی.
بو صحبت و نفت عرضه قیلیش پیشنهادی، خلق ارا سیاست نینگ مرکبلیکلرینی کورسته دی که اونده اقتصادی منفعتلر گاهیده سیاسی اختلافلردن اوستونلیک تاپه دی. بو اقدام روسیه و امریکا اورته سیده گی مناسبتلرنی ینگی بیر باسقیچگه کیریتیشی ممکن، لېکن عین حالده امریکا نینگ اروپایی متحدلری تامانیدن قرشی لیککه روپره بولیشی ممکن که اولر هلی هم روسیه گه باسیم سقلشنی تاکیدله یدیلر.
انرژی ایش بیلرمانلری بو اوزگریش نینگ جهان نفت بازاریگه تاثیرلرینی تحلیل قیلماقده لر. اگر روسیه نفتی کینگ مقیاسده بازارگه کیرسه، بها لرنینگ توشیشیگه یاردم بېریشی ممکن، لېکن عین زمانده روسیه گه قرشی تحریملر سیاستی نینگ موفقیتینی سوال آستیگه قویه دی.
منبع: تاس
🌐
