مشهور هالیوود بازیگری توبی مگوایر نینگ سابق عیالی و جواهرات دیزاینری جنیفر مایر، میلیاردلر میراثخۉری جف اوگونلیسی بیلن هاوایی ده بیر ستاره لر تولی مراسمده توی قیلدی. بو توی نینگ جالب نقطه سی، مراسم نینگ اۉزی توبی مگوایر تامانیدن اجرا ایتیلگنی اېدی.
هفته آخریده اۉتکزیلگن بو مراسم، مایر و مگوایر نینگ ۲۰۱۶ نچی ییلده گی آیریلیشیدن سۉنگ هم دوستانه و یقین علاقه ده ایکنلیکلرینی کۉرسه ته دی. اولر نینگ روبی و اوتیس ناملی ایکّی فرزندی بار و همیشه فرزندلرینی بیرگه لیکده تربیه لش باره سیده گی تعهدلریگه تاکیدلب کېلگنلر.
خبر منبعلری نینگ گزارشیگه کۉره، توبی مگوایر نکاح مراسمی نینگ اجراچیسی رولی نی اۉینه گن و اونینگ بو اقدامی کۉپچیلیک نینگ تحسینی گه سبب بۉلیب، بیر «معاصر و ترکیبی عایله» نینگ نمونه سی صفتیده توصیف لنگن.
توی مراسمی هاوایی ده گی بیر مجلل مکانده اۉتکزیلدی و هالیوود نینگ بیر قطار تانیقلی چهره لری هم اوشبو مراسمده اشتراک ایتدیلر. مشهور مهمانلر آره سیده توبی مگوایر نینگ یقین دوستی، لئوناردو دی کاپریو هم بار اېدی.
۴۹ یاشلی جنیفر مایر و موسیقی ساحه سیده فعالیت قیله دیگن جف اوگونلیسی، بیر مدت آلدین بیر-بیرلری بیلن علاقه ده اېدیلر. بو توی مایر نینگ حیاتی ده ینگی بیر فصل نی باشله دی.
توبی مگوایر و جنیفر مایر ۲۰۰۷ نچی ییلده توی قیلگن و توقّیز ییللیک مشترک حیاتدن سۉنگ ۲۰۱۶ نچی ییلده آیریلیشلری نی اعلان قیلگن اېدیلر. شونگه قره مسدن، اولر اۉزلری و فرزندلری اوچون بیر حرمتلی و حمایتی علاقه نی سقلب قاله آلگنلر.
منبع: Zarin TV
🌐
