عفو خلق ارا تشکیلاتی پاکستان نینگ خیبرپختونخوا ایالتیده اضطراری وضعیت اعلان قیلینیشی، والی حاکمیتی نینگ برقرار اېتیلیشی و قوراللی کوچلرنینگ جایلشتیریلیشیگه عکس العملده، اۉز چوقور خواطرینی بیلدیردی. اوشبو حقوقنی حمایه قیلووچی تشکیلات، اضطراری تدبیرلر و خوفسیزلیک قرارلری هیچ قچان انسان حقوقینی پامال قیلیش، مخالف آواز لرنی اۉچیریش و قدرت نی مونوپول قیلیش اوچون آچیق چېک صفتیده ایشلتیلمسلیگی کېره ک لیگینی تأکیدله‌دی.
اوشبو تشکیلات نینگ بیاناتیگه کۉره، ایالت نینگ اعلی وزیری شامل مهم سیاسی رهبرلرنینگ اۉزباشیمچه‌لیک بیلن قولگه آلینیشی و اینترنېتگه قۉییلگن چېکلولر خیبرپختونخوادا خواطرلی مسئله‌لردن دیر. عفو خلق ارا تشکیلاتی، بونده‌ی ایشلر مدنی بوشلیق نی کیچیکلتیریب و بیان اېرکینلیگی حقی نی جدی شکلده ضعیفلشتیریشینی معلوم قیلدی.
اوشبو تشکیلات خلق ارا انسان حقوقی قانونلریگه اشاره قیلیب، حکومت لر فقط جوده چېکلنگن و استثنایی شرایطده، یعنی ملت نینگ بقا سی جدی تهدید آستیده بۉلگن پیتده، اۉزلری نینگ بعضی بیر انسان حقوقی تعهدلرینی موقت بیر شکلده توخته‌تیب قۉییشی ممکن لیگینی اېسلتدی. لیکن، حتی بونده‌ی بیر وضعیتده هم، تدبیرلر متناسب، ضروری و تبعیض سیز بۉلیشی لازم.
عفو خلق ارا تشکیلاتی پاکستان رسمیلریدن انسان حقوقی بۉییچه خلق ارا تعهدلریگه حرمت قیلیشلرینی و هر قنده‌ی خوفسیزلیک تدبیری نینگ قانون حاکمیتی و شهروندلرنینگ اساسی حقوقلریگه رعایت بیلن عملگه آشیریلیشینی تأمین لشلرینی طلب قیلدی. اوشبو تشکیلات شونینگدېک، اۉزباشیمچه‌لیک بیلن قولگه آلینگن برچه کیشی لرنینگ تیزلیک بیلن و شرطسیز آزاد اېتیلیشینی ایسته‌دی.
بو اۉزگریشلر پاکستانده سیاسی بحران نینگ آشیب بارگن بیر پیتده یوز بېرماقده و افغانستان بیلن چېگره داش خیبرپختونخوا ایالتی نینگ وضعیتی اۉزگچه حساس دیر. سیاسی کۉزه تووچیلر بو وضعیت نینگ دوامی منطقه ده کۉپراق بی‌ثباتلیککه سبب بۉلیشی ممکن لیگیدن خواطرده‌لر.
عفو خلق ارا تشکیلاتی نینگ عکس العملی، خلق ارا جمعیت نینگ پاکستانده قانون حاکمیتی و انسان حقوقی وضعیتی حقیده‌گی کېنگ قاره شلرینی عکس اېتدیریب و اسلام آباد حکومتیگه اۉز خوفسیزلیک سیاستلرینی قیته کۉریب چیقیش اوچون باصملرنی آشیریر.
منبع: عفو خلق ارا تشکیلاتی
🌐
