بیرلشگن ملت لر تشکیلاتی ده افغانستان نماینده لیگی سرپرستی نصیر احمد فایق، بو نماینده لیک نینگ عمومی ییغین نینگ سېکسن بیرینچی اجلاسیده گی فعالیت لرینی شرح قیلدی. ۲۰۲۶ نچی ییل سپتامبر آییده، بو اجلاس بیلن بیر وقتده، افغانستان عمومی ییغین ریاستی نینگ اورینباسرلریدن بیری صفتیده اۉز ایشینی باشله دی.
افغانستان اینترنشنل معلوماتیگه کۉره، جناب فایق نماینده لیک نینگ پیامی آچیق ایکنینی ایتگن: افغانستان بحرانی فقط بیر اعتبارلی، کینگ قمره ملی و افغان لرنینگ اۉز رهبرلیگی و مالکلیگی آستیده گی سیاسی ییچیم بیلن حل بۉله دی. بو اجلاس دایره سیده، افغانستان نماینده لیگی افغان و خلق ارا شریک لر همکارلیگیده مملکت نینگ اساسی مسئله لری بۉییچه تۉрт حاشیه ییغین اوتکزدی.
بیرلشگن ملت لر تشکیلاتی نینگ سېکسن بیرینچی عمومی ییغینی ۲۰۲۶ نچی ییل ۸ نچی سپتامبردن رسمی روشده باشلندی. بحث لر تینچ لیک و خوفسیزلیک، رواجلنیش و حقوق بشر کبی جهان شمول قیینچیلیک لرگه مرکز لشگن ایدی. تینچ لیک و خوفسیزلیک بۉلیمیده، اوکراین، اۉرته شرق و سودان توقنشیش لریگه کوپراق اعتبار قره تیلدی و مملکت لر حاکمیتیگه حرمت و تینچ اهالی نی حمایه قیلیش تاکیدلندی.
افغانستان بحرانی مملکت لر رهبرلری و بیرلشگن ملت لر تشکیلاتی نینگ یوقاری مرتبه لی رسمی لری نینگ عمومی نطق لریده جدی شکلده مطرح ایتیلمه دی. لېکن، فایق نینگ ایتیشیچه، اۉزبېکستان، پاکستان، قزاقستان، ایرلند و آیسلند نماینده لری اۉز نطق لریده افغانستان گه اشاره قیلیب، خوفسیزلیک، تروریزم و خاتین قیزلر حقوقی نینگ پامال ایتیلیشی باره سیده گی تشویش لرینی بیلدیردیلر.
ایسله تیب اۉتیش کېره ک که، خوفسیزلیک کینگشی ۱۶ نچی سپتامبرده افغانستان باره سیده ییغین اوتکزیب و اوندن سۉنگ، ۴۲ مملکت بیر بیانیه چیقریب افغان خاتین قیزلری بیلن بیردم لیک لرینی اعلان قیلدیلر. بو، خلق ارا جمعیت نینگ بیر قسمی تامانیدن مملکت ده گی حقوق بشر وضعیتیگه دواملی اعتبار قره تیلётگینینی کۉرسه ته دی.
افغانستان نماینده لیگی ۲۸ نچی سپتامبرده عمومی ییغین بحثیده نطق قیلیشی ریجه لنگن ایدی، اما «افغانستان ده اقلیمی خوفسیزلیک و محیط زیست چیده‌ملی لیگی» باره سیده گی باشقه بیر حاشیه ییغین بیلن بیر وقتده بۉلگن لیگی سببلی بو نطق ایتیلمه دی. بو موضوع، نماینده لیک نینگ مملکت بحرانی نینگ تورلی جهت لرینی خلق ارا سویه ده آیدینلشتیریش اوچون قیله یاتگن سعی و حرکتی نی کۉرسه ته دی.
منبع: افغانستان اینترنشنل
🌐
