هندوستان سینماسی نینگ بویوک یولدوزی راجینیکانت، تجربه لی آکتور میتون چاکرابورتی نینگ باشیده اولر نینگ کیله جکده گی «جیلر ۲» فلمیده منفی قهرمان رولی نی اۉینشدن باش تارتگنینی و فقط بیر شرط بیلن قبول قیلگنینی فاش قیلدی.
تقریباً اوچ اون ییلدن سۉنگ، راجینیکانت و میتون چاکرابورتی «جیلر ۲» فلمیده ینه بیر بار بیرگه رول اۉینه ماقچیلر. راجینیکانت اساس رولنی تکرارلرکن، میتون منفی قهرمان رولی نی اۉز اۉستیگه آلگن. راجینیکانت یقین پیتده اۉتکزیلگن «جیلر ۲ سوپر شو» تدبیریده میتون نینگ فلمگه قۉشیلیش اوچون قۉیگن شرطینی اېسله‌دی.
راجینیکانت اۉز نطقی جریانی ده ایتدی: «قچانکه تولید تیمی منفی رول اوچون اونگه مراجعه قیلدی، او قاطعیت بیلن رد قیلدی. او ایتدی: "مېن راجینی نینگ منفی رولی نی اۉینه یمنمی؟" او مېنینگ جوده یقین دوستیم. او ایتدی: "راجینی قهرمان، مېن منفی؟ راجینیکانتدن کلتک یییشیم کیره کمی؟ هیچ قچان، بو ایشنی قیلمه یمن."»
اگرچه میتون باشیده بو رولنی رد قیلگن بۉلسه هم، کیینچه‌لیک بیر شرط بیلن راضی بۉلدی. راجینیکانت فاش قیلدی: «کیینراق، WAVES ییغیلیش لریدن بیریده که باش وزیر هم حاضر اېدی، اونینگ بیلن اوچره شدیم. او ییرده مېنگه ایتدی: "بو فلم اوچون مېنگه تیلیفون قیلدیلر، اگر سېن ایتسنگ، قیله من." مېن ایتدیم: "البته، جوده عالی بۉله‌دی." سۉنگ او ایتدی: "یخشی، لیکن بیر شرط بیلن، سېن مېنی اورمه گین و آتمه گین." مېن ایتدیم: "قۉی کارگردان دن سۉره ب، سېنگه خبر بیره‌ی." لیکن ایشانچیم کامل اېدی که او بو گپنی فقط شوخیلیک اوچون ایته یپتی.»
میتون و راجینیکانت ایلک بار ۱۹۸۹ ییلده رامش سیپی کارگردانلیگیده گی «براشتاچار» ناملی سیاسی-جنایی درامه فلمیده بیرگه ایشله‌گنلر. اولر کیینچه‌لیک ۱۹۹۷ ییلده «باگیا دباتا» فلمیده هم بیرگه کۉرینیش بیرگنلر.
«جیلر ۲» ۲۰۲۳ ییل نینگ موفق فلمی «جیلر» نینگ دوامی دیر. بیرینچی قسمت، بیر تقاعدگه چیققن زندانبان نینگ حیاتی، پولیس افسری بۉلگن اۉغلی نینگ یۉقالیشی بیلن اۉزگریشی حکایه‌سینی قیلردی. نلسون دیلیپکومار کارگردانلیگی و کالانیتی ماران تهیه چیلیگیده گی بو فلم، ۲۰۲۶ ییل ۱۵ اکتوبرده بوتون دنیا بۉیلیب اکرانگه چیقیشی ریجه لشتیریلگن.
منبع: رسانه‌لر
🌐
