طالبان حکومتی نینگ سوو و انرژی وزیری محمد یونس آخندزاده، سعودی عربستانگه سفری جریانیده، ریاض شهریده گی افغانستان ایلچیخانه سیدن دیدن قیلدی.
سوو و انرژی وزیرلیگی بیر خبرنامه ترقه تیب، جناب آخندزاده بو تشریف جریانیده افغانستان نینگ سعودی عربستانده گی ایلیچی سی عبدالفتاح رحیمی و ایلچیخانه نینگ باشقه مسؤللری و ایشلاوچیلری بیلن اوچره شیب صحبت قیلگنینی ایتگن.
گزارش لرگه کوره، سوو و انرژی وزیری بو اوچره شووده مسؤلیتنی بیر «امانت» دېب اتگن و ایلچیخانه ایشلاوچیلریدن سعودی عربستانده یشه یاتگن افغان وطنداشلرگه هیچ قنده ی توسیق و کېچیکیش سیز خدمت کورسه تیشلرینی سوره‌گن.
بو اوچره شوو اوشبو مملکتده گی افغانلر جماعه سیگه ثمره لی و شفاف قونسوللیک خدمت لرینی تقدیم ایتیش نینگ اهميتینی تاکیدله دی. جناب آخندزاده شونینگدیک ایلچیخانه نینگ خادملرینی افغانستان نینگ ملی منفعتلری یولیده سعی و حرکت قیلیشگه تشویق ایتدی.
بوندن تشقری، اوشبو ییغینده افغانستان و سعودی عربستان اورته سیده اقتصادی علاقه لرنی کوچه‌یتیریش و تورلی ساحه لرده مشترک همکارلیک لرنی کینگه‌یتیریش خصوصیده هم بحث و فکر المشیلدی.
بو سفر طالبان حکومتی نینگ منطقه و جهان مملکتلری، خصوصاً اسلامی مملکتلر بیلن علاقه قوریش آرقه لی افغانستانده گی رواجلنیش لایحه لری اوچون حمایت و سرمایه جلب قیلیش مقصدیده گی دیپلماتیک سعی و حرکتلری نینگ بیر قسمی دیر.
