آکسیوس خبر وبسایتی نینگ معلوماتیگه کوره، امریکا نینگ سابق جمهور رئیسی دونالد ترامپ و اسرائیل باش وزیری بنیامین نتانیاهو اوتگن هفته ایرانگه قرشی بیر کتته حربی عملیات احتمالی حقیده صحبت قیلگنلر.
اوشبو رسانه امریکالیک و اسرائییللیک رسميلرگه تايانیب خبر بیريشيچه، بو صحبت اسرائیل سیلاولری و امریکا اورته دوره سیلاولریدن آلدین بولیب اوتگن. بو تیلیفون صحبتی، ترامپ نینگ اورته دوره سیلاولریدن آلدین ایرانگه هجوم قیلمسلیکنی اعلان قیلیشیدن آلدین عملگه آشیریلگن.
سه شنبه کیچه سی، ۱۳ اکتوبرده ترقه تیلگن بو خبر اساسیده، بیر اسرائیل رسمی سی نینگ ایتیشیچه، نتانیاهو بو صحبتده اوز تشویشینی بیلدیرگن. بو رسمی نینگ ایتیشیچه، اسرائیل استخباراتی معلوماتی ایران نینگ اوز هسته ای برنامه سینی قیته جانلنتیریش اوچون تشویشلی آدیم تشله یاتگینی نی کورستگن.
بو صحبتلر، تهران نینگ هسته ای برنامه سی اوستیده ایران و غرب اورته سیده گی بحران اینگ یوکسک نقطه گه ییتگن بیر حساس پیتده یوز بیرماقده. اسرائیل هر زمان ایراننی اوزی اوچون بیر وجودی تهدید دیب بیله دی و کوپ مرته ایران نینگ هسته ای قورالگه ایگه بولیشی نینگ آلدینی آلیشینی تاکیدله گن.
ترامپ نینگ هجوم قیلمسلیک حقیده گی آچیق بیاناتلریگه قره مسدن، منبعلر آکسیوسگه ایتگنلریچه، امریکا و اسرائیل اردولری هلی هم یوکسک تیارگرلیک حالتیده قرار تاپگنلر. خبر اساسیده، اولر ترامپ فکرینی اوزگرتیرگن تقدیرده، حربی اقدام اوچون تیارگرلیکلرینی تکمیللشتیرماقده لر.
بو خبر واشنگتن و تل ابیب اورته سیده گی پرده آرتی همکارلیکلر و شونینگدیک خاورمیانه ده گی بیر حربی توقنشوو احتمالی حقیده سواللرنی اورته گه تشله یدی که بو وضعیت افغانستان جمله دن بوتون منطقه اوچون کینگ کولملی پیامدلری بولیشی ممکن.
منبع: Axios
🌐
