طالبان سۉزچیسی ذبیح‌الله مجاهد، بو گروه نینگ بارچه مملکتلر بیلن مناسبت اورنه تیشگه حرکت قیلیاتگنی و باشقه مملکتلر نینگ ایشانچینی قازانیش پیگه بۉلگنینی ایتدی. شونده‌ی بۉلسه-ده، او بعضی مملکتلرنینگ هلی هم طالبان اداره‌سی بیلن ایش قیلیشگه تیار اېمس لیگینی تن آلدی.
مجاهد سه‌شنبه کونی بیر خبر ییغینیده، اسلام آباد بیلن بۉلگن کېسکینلیکلرگه قیسقچه اشاره قیلیب، طالبان نینگ قۉشنی مملکتلر، جمله‌دن پاکستان بیلن یخشی دیپلوماتیک مناسبتلری بۉلگنینی ایتدی. او شونینگدیک، بو گروه نینگ منطقه نینگ مهم مملکتلری، خصوصاً چین و روسیه بیلن مناسبتلرینی «جوده یخشی» دېب توصیفله‌دی.
طالبان سۉزچیسی، بو گروه نینگ خلق ارا مناسبتلرده اوروش دورانیگه تیگیشلی یانداشوولر و سیاستلر اۉزگریشینی و اونینگ اۉرنیگه مثبت تعامل و قوررلی مناسبتلر شکللنیشینی ایسته شینی بیلدیردی. او: «بیز باشقه مملکتلر بیلن تۉغری مناسبتلر اورنه تیلیشینی و مملکتلر بیلن اوروش زمانیده‌گی پالیسی‌لر اۉزگریب، مثبت تعاملگه کیریشیمیزنی ایسته‌ی میز» دېدی.
بو بیانلر، طالبان نینگ قدرتگه قه یتیب کیلگنیدن بیش ییلدن آرتیق اۉتگن بیر پیتده، بو گروه نینگ خلق ارا مشروعیت قازانیش اوچون قیلگن سعی و حرکتلری هلی هم جدی توسیقلر بیلن روپه‌رو بۉلگن بیر حالده بیان ایتیلماقده. بو مدت ایچیده، روسیه‌دن تشقری، هیچ قنده‌ی باشقه مملکت طالبان حکومتینی رسمی تانیب آلمه‌گن.
کۉپچیلیک دولتلر، جمله‌دن منطقه نینگ قدرتمند مملکتلری بۉلگن چین، ایران، بیرلشگن عرب امیرلیکلری و مرکزی آسیا مملکتلری، هرچند کابل بیلن دیپلوماتیک و اقتصادی مناسبتلرینی ساقله ب قالگن بۉلسه لر-ده، لیکن طالبان اداره سینی رسمی تانیشدن واز کېچگنلر.
خلق ارا جامعه، طالباننی رسمی تانیش اوچون فراگیر حکومت تشکیل ایتیش، بشر حقوقی، خصوصاً خاتین-قیزلر حقوقیگه حرمت قیلیش، و تروریزمگه قرشی کوره شیش کبی شرط لرنی اورته گه قۉیگن؛ بو شرط لرنی، منتقدلرنینگ سۉزلریگه کۉره، طالبان هلی گچه عملگه آشیریشمه‌گن.
منبع: افغانستان اینترنشنل
🌐
