رویترز خبر آژانسی نینگ گزارشیگه کۉره، کرملین اعلان قیلدی که، جمهور رئیس ولادیمیر پوتین، پاپ لئو نینگ جمعه کونی اوندن روسیه کنترولیده گی اوکراین نینگ اولشکی شهریگه حیاتی یاردم لرنی ییتکیزیشده همکارلیک قیلیشنی سۉره گندن سۉنگ، بو موضوع گه موافقت قیلگن.
واتیکان نینگ ایتیشیچه، پاپ لئو پوتین بیلن بیر تلفنی تماسده، ۲۰۲۲ نچی ییل فبروری آییدن بېری روس کوچلری تامانیدن تصرف ایتیلگن بو شهرگه یاردم و ییگولیک ماده لری نینگ کیریشی اوچون آتش بس برقرار قیلیشنی سۉره‌گن. یشاوچیلر بو شهرده چقور غذا بحرانی حقیده گزارش بیرگنلر. واتیکان قۉشیمچه قیلدی که پاپ او ییرده گی بشری وضعیت حقیده «چقور نگرانی»سینی بیلدیرگن.
کرملین بیر بیانیه ده ایتدی: «واتیکان نینگ شهر اهالی سی نینگ خوفسیزلیگینی تضمینلش و حیاتی تدارکاتلرنی تشکیللشتیریش اوچون کیره کلی شرایطنی یره تیشده یاردم بیریش نیتی حمایتلنگن.» بو بیانیه ده آتش بس حقیده اشاره بۉلمه‌گن، لیکن قۉشیمچه قیلینگن: «بو زمینه ده همکارلیک قیلیش حقیده توافق ایتیلگن.»
روسیه و اوکراین بیر-بیرینی، اوکراین کوچلری نینگ قیته قولگه کیریتیشنی قصد قیلگن بو شهرگه تدارکاتلرنی مسدود قیلیش بیلن عیبلَماقده. ۷۱ یاشلی پاپ، رومده گی بیر شفاخانه ده اۉپکه سرطانی جراحی عملیاتیدن سۉنگ توزلماقده.
اوکراینده گی بیرلشگن ملتلر تشکیلاتی نینگ انسان حقلرینی نظارت قیلیش هیئتی رئیسی دانیل بل نینگ ایتیشیچه، اوکراین نینگ خرسون منطقه سیده گی اولشکی شهری، اوروشدن آلدین تخمیناً ۲۴۰۰۰ کیشی اهالی سی بار اېدی و هنوز هم تخمیناً ۱۷۰۰ کیشی، جمله دن ۴۷ باله او ییرده یشه ماقده. بو پاپ لئو و پوتین اورته سیده گی ایکّینچی تانیلگن صحبت اېدی.
منبع: رویترز
🌐
