خلق ارا مهاجرلیک تشکیلاتی (IOM) هرات ولایتی نینگ انجیل ولسواللیگیده ایران و پاکستاندن قَیتیب کیلگن تخمیناً ۱۲۰ عایله گه نقد پول شکلیده یاردَم ترقتماقده. بو یاردملردن مقصد، اوشبو آسیب پذیر عایله لرگه اۉزلری اوچون باشپناه قوریش زمینه سینی فراهم ایتیش دیر.
یقینده مملکت گه قَیتیب کیلگن بو عایله لر، مناسب مسکن نینگ یۉقلیگی کبی کۉپلب قیینچیلیکلر بیلن روپه ره دیر. خلق ارا مهاجرلیک تشکیلاتی نینگ نقد یاردملری اولرگه اساسی قوریلیش موادلرینی ساتین آلیب، اۉزلری اوچون خوفسیز بیر باشپناه قوریش امکانیتینی بېره دی.
هرات ولایتی ایران بیلن چېگره داش بۉلگنلیگی سببلی، کۉپ ساندیکی افغان مهاجرلرنینگ قَیتیب کېلیشی گه گواه بۉلگن ولایتلردن بیری حسابلنه دی. بو قَیتیب کیلگنلرنینگ کۉپچیلگی مالی منبعلر و ایش فرصتلری نینگ یۉقلیگی سببلی آغیر وضعیتده قرار تاپگنلر.
خلق ارا مهاجرلیک تشکیلاتی و باشقه خلق ارا یاردم بېرووچی اداره لر، بو عایله لرگه باشپناه، ییمک-ایچمک و ساغلیک خدمت لری کبی انسان پرورلیک یاردملرینی تقدیم ایتیش آرقه لی اولرنینگ وضعیتی گه ییتیشیش گه حرکت قیلماقده لر. شونگه قره می، احتیاجلرنینگ حجمی جوده یوقاری دیر.
بو برنامه، بوتون افغانستان بۉیلب قَیتیب کیلگنلر و ایچکی کۉچیریلگنلرنی قۉللب قوتلش اوچون کینگ قمره ولی حرکتلرنینگ بیر قسمی دیر. باشپناه فراهم ایتیش، قیش فصلی نینگ کېلیشی بیلن بو عایله لرنینگ ثباتی و خوفسیزلیگینی تأمین لش اوچون اساسی بیر اهمیت کسب ایته دی.
هراتده گی محلی رسمیلر بو یاردملرنی خوش قرشی آلیب، قَیتیب کیلگنلرنینگ وضعیتیگه ییتیشیش اوچون خلق ارا یاردملرنینگ آشیریلیشینی طلب قیلگنلر.
منبع: خلق ارا مهاجرلیک تشکیلاتی (IOM)
🌐
