جرمنی نینگ ایچکی ایشلر وزیرلیگی، اوشبو مملکت گه انتقال بېریش وعده قیلینگن و حاضرده پاکستانده یشه یاتگن ۳۲ نفر آسیب پذیر افغان نینگ ویزه عریضه سینی رد قیلگنینی معلوم قیلدی. بو قرار، جرمنی نینگ اساسی قانون محکمه سی حکومت هر بیر دوسیه نی علیحده تیکشیرمسدن زیان کۉره دیگن افغانلرنینگ مهاجرلیک عریضه لرینی رد قیله آلمَسلیکنی حُکم قیلگنیدن سۉنگ قبول قیلیندی.
جرمنی میدیالری نینگ گزارشیگه کۉره، اوشبو مملکت نینگ ایچکی ایشلر وزیرلیگی محکمه قراریگه موافق، اوشبو ۳۲ دوسیه نینگ همه سینی تیکشیریب چیققنینی و نتیجه ده اولرنینگ برچه سینی رد قیلگنینی ایتگن. وزیرلیک بو عریضه لرنی رد قیلیش نینگ انیق سبب لری حقیده قۉشیمچه معلومات بېرمه گن.
بو حرکت، مینگلب افغانلر، خصوصاً ۲۰۲۱ نچی ییل اگست آییده طالبان حکومتی نینگ قیته حاکمیت گه کېلیشیدن سۉنگ، غرب مملکت لریده خوفسیز پناهگاه قیزیب یورگن بیر پَیتده یوز بېرماقده. جرمنی افغان پناهچیلر اوچون اساسلی مقصدلردن بیری بۉلیب، ریسک آستیده گی کیشی لرنی، جمله دن جرمن کوچلری نینگ سابق همکارلرینی، انسان حق لری فعاللرینی و ژورنالیستلرنی قبول قیلیش اوچون تورلی برنامه لرنی یولگه قۉیگن.
بیراق، قبول قیلیش جریانی دوسیه لرنی کۉریب چیقیشده گی سستلیک و جدی معیارلر کبی کۉپلب قیینچیلیکلر بیلن روپه ره بۉلگن. پاکستان و ایران کبی قۉنشی مملکتلرده اۉز عریضه لری نینگ جوابی نی کوتیب تورگن کۉپلب افغانلر، نامعلوم و آغیر شرایطده یشه ماقده لر.
جرمنی اساسی قانون محکمه سی نینگ قراری بو پناهچیلردن بعضی لری اوچون دوسیه لری نینگ دقت بیلن تیکشیریلیشی گه امید یاراتگن اېدی. لیکن بو ۳۲ دوسیه نینگ همه سینی رد ایتیلیشی، جرمنی نینگ افغانلر اوچون قبول قیلیش برنامه لری نینگ کېله جگی حقیده خواطرلرنی یوز آلیب کېلیشی ممکن.
منبع: جرمنی میدیالری
🌐
