جهان ساغلیق سقلش تشکیلاتی (WHO) اعلان قیلیشیچه، اوتگن آلتی آی جریانیده، افغانستان نینگ شمال-شرقیده ۲۷ مینگدن آرتیق کیشیگه سرپایی طبی خذمتلر کۉرسه تیلگن. بو خذمتلر قندوز ولایتی نینگ یوقوملی کسللیکلر شفاخانه سی آرقه لی تقدیم ایتیلگن.
اوشبو تشکیلات سه‌شنبه کونی، ۲۸ میزانده، بیر گزارشده اعلان قیلدی که، ۲۰۲۶ نچی ییل نینگ اپریل آییدن بویان، ایکی مینگ بیر یوز اۉن تۉرت باشقه مریض، جمله دن بیر مینگ ایکی یوز آتمیش سکیز عیال هم، اوشبو شفاخانه ده بستری قیلینیب و تداوی ایتیلگن.
جهان ساغلیق سقلش تشکیلاتی معلوماتیگه کۉره، بو شفاخانه اوشبو تشکیلات حمایتی و اوروپا اتفاقی نینگ مالی تمویلی بیلن فعالیت یوریته دی و نیازمند مریض لرگه متخصصلیک طبی خذمتلرنی رایگان شکلده تقدیم ایته دی. بو درملش مرکزی ۵۰ یاتاققه اېگه دیر.
قندوز یوقوملی کسللیکلر شفاخانه سی ویروسی هیپاتیت، سل یا توبرکلوز، و باشقه جدی یوقوملی کسللیکلرگه چلینگن مریض لرگه خذمت کۉرسته دی. بو شفاخانه گه مراجعت قیلووچیلر فقط قندوز ولایتیدن ایمس، بلکه قۉشنی ولایتلردن هم درملش اوچون بو مرکزگه کیله دیلر.
افغانستان سینه‌دیگن بیر ساغلیق سقلش سیستمی و منبعلر ییتیب آلمسلیگی بیلن روپه ره دیر و بو مملکتده طبی مرکز لرنینگ فعالیتی دوامی اوچون خلق ارا تشکیلاتلرنینگ حمایتی حیاتي اهمیت کسب ایته دی. یوقوملی کسللیکلر نامناسب ساغلیق و اقتصادی شرایط باعث، مملکت نینگ عامه ساغلیق سقلش بۉلیمیده اساسی قیینچیلیک لردن بیری حسابلنه دی.
جهان ساغلیق سقلش تشکیلاتی اۉز گزارشی نینگ دوامیده اوروپا اتفاقیدن افغانستانده یوقوملی کسللیکلرگه چلینگن مریض لر اوچون رایگان طبی خذمتلرنی فراهم قیلیشده گی مالی حمایتی و همکارلیگی اوچون منتدارچیلیک بیلدیرگن. بو تشکیلات افغانستان ساغلیق سقلش سیستمیدن حمایه سینی دوام ایتتیریشگه بولگن تعهدینی تأکیدله دی.
منبع: جهان ساغلیق سقلش تشکیلاتی
🌐
