امریکا قۉشمه ایالتلری دولتی قطرده گی السیلیه کمپینی نینگ فعالیتینی که مینگدن آرتیق افغان پناهلاوچیسی نینگ یشاش جایی دیر، ینه بیر تۉقّیز آیگه تمدید قیلدی. اسوشیتدپرس آژانسی نینگ گزارشیگه اساساً، بو کمپ چهارشنبه کونی، سککیزینچی میزانده یاپیلیشی کېره ک اېدی.
اسمی فاش ایتیلمه‌گن بیر امریکالیک مقام، بو خبر آژانسیگه ینگی توافق اساسیده، بو مرکز اۉز فعالیتینی دوام اېتتیریشینی ایتگن. حاضرده، ۱۰۳۹ افغان پناهلاوچیسی، که اولرنینگ ۷۰ فایزدن کۉپراغینی خاتین-قیزلر و باله‌لر تشکیل اېته‌دی، السیلیه کمپیده سرگردانلیکده یشه ماقده‌لر. بو کیشیلر ییللردن بېری امریکاگه انتقالنی کوتماقده‌لر.
بو کمپ نینگ فعالیتی نینگ تمدید ایتیلیشی، اوشبو پناهلاوچیلرنینگ تقدیری حقیده گی تشویشلر آرتگنیدن سۉنگ یوز بېرماقده. جاری ییل نینگ جون آییده، امریکا دولتی نینگ بو کیشیلرنی که کۉپچیلیکلری امریکا اردوسی نینگ سابق همکارلری نینگ عایله اعضالری دیر، کونگو دیموکراتیک جمهوریتیگه انتقال بیریش قصدیده بۉلگنی حقیده گزارشلر نشر ایتیلدی.
بو طرح، مهاجرلرنی حمایه قیلوвчи نهادلر و امریکا کانگرسی نینگ بعضی اعضالری تامانیدن شدتلی قرشی لیککه روپه‌رو بۉلدی. اولر بو قرارنی لغو قیلیش و بو پناهلاوچیلرنی تېزلیک بیلن امریکا توپراغیگه انتقال بیریشنی طلب قیلدیلر. اوتگن کون هم کانگرس نینگ بیر قطار نماینده‌لری تشقی ایشلر و ایچکی خوفسیزلیک وزیرلیکلریگه یوبارگن مکتوبده، بو کیشیلرنینگ سرگردانلیگینی توگه تیش و اولرنی ۲۰۲۷ مالی ییلیده امریکاگه انتقال بیریشنی سۉره‌دیلر.
افغانستان نینگ آلدینگی حکومتی سقوطیدن و افغان تبعه‌لری نینگ امریکاگه کیریشیگه چیکلاولر قۉییلگنیدن سۉنگ، مهاجرت دوسیه‌لرینی تیکشیریش جریانی جوده سستلشگن. گزارشلرگه کۉره، اوتگن ییلدن بېری فقط بیش افغان پناهلاوچیسی استثنایی یۅللر آرقه لی امریکاگه کیریشگه موفق بۉلگنلر.
منبع: اسوشیتدپرس
🌐
