بیرلشگن ملت لر تشکیلاتی نینگ انسان حق لری بۉییچه متخصصلری اروپا مملکت لریدن، طالبان حکومتی قیزلر و عیال لر نینگ تعلیم آلیشی گه قۉییلگن چیکلاو لرنی بېکار قیلمس ایکن و انسان حق لری ساحه سیده عملی بیر آدیملر تشلنمگونچه، اوشبو حکومت بیلن مناسبت لرنی نرمللشتیریشدن سقلنیش لرینی سۉره دی.
اوشبو متخصص لر بیرگن بیانات لریده، افغانستانده قیزلر و عیال لر نینگ سیستماتیک و کینگ کۉلمده گی جنسیت اساسیده گی اذیت گه دوچ کیله یاتگنلیک لری و بو وضعیت نینگ انسانیت گه قرشی جنایت صنیلیشی ممکن ایکن لیگینی ایتگن لر.
متخصص لر نینگ ایتیشیچه، عیال لردن تشقری، قومی و مذهبی آزچیلیک لر، ژورنالیست لر، انسان حق لری فعال لری و سابق خوفسیزلیک کوچ لری نینگ اعضالری هم قیناق، محکمه سیز اۉلدیریش و باشقه جدی خطر لر بیلن روپه ره دیر.
بیرلشگن ملت لر تشکیلاتی نینگ متخصص لری شونینگدیک، اروپا مملکت لریدن افغان مهاجر لرینی مجبوراً چیقاریش جریانیدن چوقور خواطرده ایکن لیک لری نی بیلدیرگن. اولر اوشبو مملکت لردن هر بیر افغان نی قیته یوباریشدن آلدین، اونینگ خوفسیزلیک وضعیتی نی علیحده بها لنتیریش گه چقیرگن.
بیانات گه کۉره، هیچ بیر کیشی نینگ حیاتی و ایرکینلیگی جدی خطر آستیده بۉلگن بیر مملکت گه قیته یوباریلمسلیگی کیره ک. بو خلق ارا قانون همه افغان مهاجر لری اوچون عمل قیلیشی لازم.
متخصص لر بو خصوصده اروپا اتفاقی و بیرقطار اعضا مملکت لر نینگ حکومت لری بیلن رسمی روشده علاقه قورگن لیک لری و اولر تامانیدن تشلنه دیگن عملی آدیملرنی کۉتیب تورگنلیک لری نی معلوم قیلگن.
منبع: بیرلشگن ملت لر تشکیلاتی نینگ متخصصلری
🌐
