چین نینگ جنوب غربیده جایلشگن تبت خودمختار منطقه سیده یوز بیرگن یېتّی درجه لیک کوچلی یېر قیمیرلش عاقبتیده، کمیده ۱۶ کیشی جان بېریب، ۴۶ کیشی یره لنگن و ۳۳۹ اوی ویران بۉلگن.
"چاینا نیوز سرویس" خبر آژانسی نینگ بوگون (جمعه، ۱ عقرب) بیرگن معلوماتیگه کۉره، یره لنگن لردن ۱۱ نفری نینگ ساغلیق وضعیتی آغیر دیر. بو یېر قیمیرلش پنجشنبه کېچه سی محلی وقت بیلن ناچو شهریده یوز بېریب، کتّه زیان لر کېلتیریب چیقارگن.
چین نینگ یېر قیمیرلش نی اۉرگنیش مرکزی بو یېر قیمیرلش نینگ چوقورلیگینی ۱۰ کیلومتر دیب اعلان قیلیب، اونینگ مرکزی نی باچین تومنی نینگ مرکزیدن تخمیناً ۷۰ کیلومتر اوزاق لیکده دیب تشخیص ایتگن. یېر قیمیرلش نینگ تېبرنیشی لهاسا و قۉنشی چینگهای ولایتی کبی کینگ ساحه لرده هم حس ایتیلگن.
اوشبو حادثه آرتیدن، چین قیدیرو و قوتقرو گروه لری تامانیدن عملیات باشلنگن. خبر لرگه کۉره، سکّیز کیشی لیک بیر اۉت اۉچیروچیلر تیمی جمعه ایرته لب ساعت ایکّی اطرافیده منطقه گه ییتیب باریب، بیر کیشی نی ویرانه لر آستیدن تیریک چیقاریش گه موفق بۉلگن.
شونینگدیک بو یېر قیمیرلش چینگهای-تبت تېمیر یۉلیده پویزد لر حرکتی نی بوزیب، بیرقطار پویزد لرنینگ کیچیکیشی گه سبب بۉلگن. اصلی یېر قیمیرلشدن سۉنگ بیر نیچه کیچیک آرتچی تېبرنیش لر هم ثبت ایتیلگن که اینگ کتّه سی ۴.۳ درجه بۉلگن.
بو واقعه، ۲۰۲۵ نچی ییل نینگ جنوری آییده ۱۲۶ کیشی نینگ اۉلیمی بیلن نتیجه لنگن ۶.۸ درجه لیک هلاکتلی یېر قیمیرلشدن ایکّی ییل کیین یوز بېرماقده. لیکن تبت نینگ معاصر تاریخیده گی اینگ قانلی یېر قیمیرلش ۲۰۱۰ نچی ییلده ۷.۱ درجه کوچ بیلن یوز بېریب، ایکّی مینگ آلتّی یوزدن آرتیق کیشی نینگ هلاکتې گه سبب بۉلگن ایدی.
منبع: چاینا نیوز سرویس
🌐
