خبر آژانس لیکلری اسپانیاده بیر اۉلیملی تېمیر یۉل حادثه سی یوز بېرگنیدن خبر بېرماقده. رویترز معلوماتیگه کۉره، مادرید دن سویل تامان باره یاتگن ایکّی تیز یورر پوییزد نینگ تۉقنشیشی نتیجه سیده کمیده ۳۰ کیشی جان بېریب و باشقه اونلب کیشی یره لنگن.
بو حادثه بوگون (چهارشنبه، ۶ عقرب) اسپانیا نینگ جنوبیده گی «تولدو» ولایتی نینگ «ارودا» منطقه سیده یوز بېرگن. اسپانیا محلی رسمی لری نینگ ایتیشیچه، بو تۉقنشوو «رنفه» دولتی شرکتیگه عاید بیر تیز یورر پوییزد بیلن «ایریو» خصوصی شرکتیگه عاید تۉخته ب تورگن بیر پوییزد اۉرته سیده یوز بېرگن.
گزارش لر اساسیده، «ایریو» شرکتی نینگ پوییزدی بیر چقلاق نی هم اۉز ایچیگه آلگن حالده ۱۴۷ یۉلاوچی و «رنفه» شرکتی نینگ پوییزدی ایسه ۳۹۷ یۉلاوچی گه اېگه بۉلگن. قوتقروو و یاردم تیم لری تیزلیک بیلن حادثه جایگه ییتیب باریب و زیان کۉرگن لرگه یاردم بېریش اوچون کینگ کولملی عملیات باشله گن.
محلی شهردار وضعیت نی «قۉرقینچلی» دېب توصیفله گن. اسپانیا باش وزیری پدرو سانچز هم قربان بۉلگن لرنینگ عایله لری بیلن همدردلیک بیلدیرر ایکن، بو حادثه دن «شاککه توشگنی» نی ایتگن.
بو سونگگی بیر ییل ایچیده اوشبو یۉنلیشده یوز بېرگن ایکّینچی اۉلیملی تېمیر یۉل حادثه سی دیر. تقریباً تۉققیز آی آلدین هم شو یۉلده یوز بېرگن بیر حادثه ۴۶ کیشی نینگ حیاتیگه نقطه قۉیگن اېدی. اوشبو حادثه اسپانیاده تېمیر یۉل لری نینگ خوفسیزلیگی و سقلنیشی حقیده کینگ بحث لر و تنقید لرنی یوز آلیب کیلگن اېدی.
بونده ی حادثه لرنینگ تکرارلنیشی، مملکتده تېمیر یۉل ترانسپورت زیربنا لریگه کۉپراق سرمایه یاتقیزیش و خوفسیزلیک معیار لرینی یوقاری کۉتَریش ضرورتی حقیده گی بحث لرنی ینه بیر بار باشله گن. حادثه نینگ انیق سببی نی بیللیش اوچون تیکشیروو لر باشلنگن.
منبع: رویترز
🌐
