پاکستان اردوسی افغانستان بیلن چېگره داش بلوچستان ولایتیده اۉتکزگن ایکّی عملیاتده، «تروریست» دېب ایتیلگن تۉققیز کیشی اۉلدیریلگنی نی اعلان قیلди. بو عملیاتلر کابل و اسلام آباد اۉرته سیده چېگره خوفسیزلیگی بۉییچه کېسکین لیکلر آرتگن بیر پیتده اۉتکزیلماقده.
پاکستان اردوسی نینگ بوگون (چهارشنبه، ۶ عقرب) ترقتگن بیاناتیده، اوشبو عملیاتلر بلوچستان ولایتی نینگ «کاچی» و «اودهه» ولسوالی لریده اۉتکزیلگنی ایتیلگن. پاکستان اردوسی اۉلدیریلگن کیشی لرنی «هند فتنه
سی» اعضاسی دېب تانیتگن؛ بو اصطلاح نی اسلام آباد «بلوچستان آزادلیک حرکتی» اوچون ایشله ته دی.
بیاناتگه کۉره، کاچی ولسوالی سیده گی عملیاتده بیر یاشیرین جای هدفگه آلینیب و اۉت آچیش نتیجه سیده یېتّی «هند حمایه سیده گی تروریست» اۉلدیریلگن. شونینگدېک، اودهه ولسوالی سیده هم پاکستان خوفسیزلیک کوچلری باشقه ایکّی «تروریست» نینگ حرکتینی تۉخته تیب و آغیر آتیشمه دن سۉنگ اولرنی اۉلدیرگن.
پاکستان اردوسی ایکّله منطقه دن هم کۉپ مقدارده قورال و اۉق-داری قۉلگه کیریتیلگنی نی قۉشیمچه قیلدی. بو عملیاتلر پاکستان نینگ بلوچستان ولایتیده فعالیت قیله یاتگن قوراللی گروه لرنی باستirish اوچون عملگه آشیریاتگن سعی و حرکت لری نینگ بیر قسمی دیر.
بلوچستان ولایتی طالبان حکومتی نینگ افغانستانده قیته حاکمیت گه اېگه بۉلگنیدن سۉنگ، پاکستان نینگ اینگ ناامن ولایت لریدن بیریگه ایلنگن و کۉپلب اۉلیملی هجوم لر گواه بولیب کیلماقده. پاکستان رسمی لری قوراللی گروه لرنینگ پاکستانده گی هجوم لرنی ریجه لش و عملگه آشیریش اوچون افغانستان توپراغیدن فایده له نیشی نی ادعا قیله دی.
بو ادعا لر کابلده گی طالبان حکومتی تامانیدن هر دایم رد اېتیب کیلینگن. شونگه قره می، ایکّی مملکت اۉرته سیده گی مشترک چېگره بۉیلب یوز بېره یاتگن خوفسیزلیک حادثه لری ایکّی تامان مناسبت لرینی جدی قیین چیلیک لر بیلن روپه ره قیلگن و ایشانچسیزلیک نی کوچه یتیرگن.
منبع: پاکستان اردوسی
🌐
