غزه تراغیده گی ویران قیلووچی اوروش و ساغلیق نی سقلش سیستمی نینگ بوزیلیشی آره سیده، شکر کسل لیگی (دیابت) گه چلینگن باله لر باشقه بیر اۉلیملی بحران بیلن هم کوره شماقده لر: انسولین نینگ جدی کم چیلیگی. بو دارو اولرنینگ تیریک قلیشی اوچون حیاتی اهمیت گه اېگه.
گزارش لرگه کۉره، محاصره و بشردوستانه یاردم لرنینگ کیریشیگه قۉییلگن چېکلاو لرنینگ دوامی بیلن، غزه ده قالگن شفاخانه لر و کلینیک لرده انسولین نی هم اۉز ایچیگه آلگن طبی ذخیره لر توگه
ب بارماقده. بو وضعیت مینگلب کیشی نینگ، خصوصاً بیرینچی نوع دیابت گه چلینگن باله لرنینگ حیاتی نی جدی خطر آستیگه قۉیگن.
بیرینچی نوع دیابت بیر خودایمنی کسل لیک بۉلیب، اونده بدن انسولین ایشلب چیقریشگه قادر اېمس. بو کسل لیککه چلینگن بیمار لر قان قندی نی تنظیم لش و حیاتینی دوام اېتدیریش اوچون هر کونی انسولین تزریق قیلیشگه محتاج دیرلر. انسولین گه قول تاپه آلمسدن، بو باله لر دیابتی کیتواسیدوز کبی خطرناک عارضه لر بیلن روپه ره بۉله دیلر که بو تیزلیک بیلن کما و اۉلیم گه سبب بۉلیشی ممکن.
خلق آرا ساغلیق نی سقلش تشکیلات لری، جمله دن دنیا ساغلیق نی سقلش تشکیلاتی، کۉپ مرته غزه ده گی انسانی فاجعه حقیده آگاهلنتیرگنلر. اولر غزه تراغی نینگ برچه نقطه لریگه انسولین نی هم اۉز ایچیگه آلگن عاجل طبی یاردم لرنی یوباریش اوچون بیر خوفسیز و تۉختاوسیز دهلیز ایجاد قیلیشنی سۉره گنلر.
بو باله لرنینگ عایله لری بمباردمان، اۉز جایینی ترک اېتیش و آچلیک بیلن روپه ره بۉلگن بیر حالده، حاضر اۉз فرزند لری نینگ حیاتی نی قوتقرووچی داروسی توگه
ب قلیشیدن هم خواطرده لر. بشر حقوقلری فعال لری بو وضعیت نی باله لرنینگ اساسی ساغلیق حقی و حیات حقی نینگ آچیق پامال ایتیلیشی دېب توصیفله گنلر.
دوام اېته یاتگن توقنشوو لر و وخیم انسانی وضعیت نی نظردن توتگنده، غزه ده بو باله لر و باشقه مریض لرنینگ حیاتی نی قوتقریش اوچون خلق آرا جمعیت نینگ فوری اقدام قیلیشیگه هر قچان دن کۉره کۉپراق احتیاج سېزیله دی.
منبع: خلق آرا رسانه لر
🌐
