طالبان حکومتی بیلن پاکستان اۉرته سیده گی کېسکینلیکلرنینگ آртиشی آرتیدن، طالبانگه قرشی جریانلر اۉرته سیده اسلام آباد بیلن قنده ی مناسبتده بۉلیش بۉییچه اختلافلر آشکاره‌راق بۉلماقده. بو جریانلردن بیر گروهی، پاکستان بیلن همکارلیکنی حاضرگی وضعیتنی اۉزگرتیریش اوچون ضروری دېب بیلسه، باشقه بیر گروه ایسه اونی افغانستان نینگ کېله جکده گی ثابتلیگی اوچون خطرلی دېب حسابله‌یدی.
بو ایکی گروهگه بۉلینیش، طالبانگه قرشی بعضی چهره‌لرنینگ اسلام آباد نینگ اوشبو گروهگه قره‌ته سیاستینی اۉزگرتیرگنینی خوش قرشیلب، پاکستان بیلن «ازلی و ابدی دشمنلیکلری» یۉقلیگینی ایتگنیدن سۉنگ کۉزگه تشلندی. لیکن، مخالف لرنینگ باشقه بیر قسمی پاکستان نینگ یانداشوویگه بدبینلیک بیلن قره‌ماقده و اسلام آباد نینگ اساسی مقصدی هلی هم افغانستاننی بی‌ثباتلیکده ساقلش و باشقه بیر ایچکی اوروش اوچون زمینه یره تیش دېب ایشانه‌دیلر.
آلدینگی حکومت نینگ اجراییه رئیسی سۉزچیسی، مجیب الرحمان رحیمی، افغانستان اینترنشنل بیلن صحبتده، طالبانگه قرشی بارچه کوچلرنینگ پاکستان بیلن علاقه‌سی بارلیگینی تأکیدله‌دی. اونینگ سۉزلریگه کۉره، اسلام آباد وضعیتنی اۉزگرتیریشگه قرار قیلگن و قرشی جریانلر اوچون فعالیت و عملیات زمینه‌سینی فراهم قیلگن. او: «بیزنینگ پاکستان بیلن ابدی و ازلی دشمنلیگیمیز یۉق. پاکستانلیکلر اۉتمیشده گی خطالرینی تن آلگنلر، حاضر تۉغری یۅلده حرکت قیله پتیلر و بیز اولرنینگ حاضرگی سیاستلرینی قۉللب قوتله یمیز» دېدی.
جناب رحیمی، پاکستان توپراغیده مخالف جریانلر دفتری نینگ آچیلیشی بیلن، طالبان پشتون نشین منطقه‌لرده حرکتلر شکللنگنده و ینگی جبهه‌لر آچیلگنده جدی چالش بیلن روپه‌رو بۉلیشینی قۉшимچه قیلدی.
عکسینچه، ایشلر اداره سی نینگ سابق رئیسی و اشرف غنی نینگ یاردمچیلریدن بیری بۉلگن فضل محمود فضلی، بو بیانلرنی «خطرلی و ناتۉغری» دېب اتدی. او اکس اجتماعی ترماغیده، اسلام آباد نینگ حاضرگی یانداشووینی قۉللب قوتلش پاکستان نینگ «استعماری مقصدلری» بیلن بیرگه بۉلیب، مقصدی افغانستاننی بی‌ثباتلیکده ساقلش دیر، خواه بو طالبان تامانیدن بۉلسین، خواه اولرنینگ «ستراتیژیک شریک لری» آرقه لی دېب یازدی.
بو سیاسی جدال، کابل و اسلام آباد مناسبتلری نینگ اینگ پس سویه‌گه یېتگن بیر پیتده کوچه یماقده. سه‌شنبه کونی، ۷ میزان، طالبان نورستان ولایتیده مخالف لرنی قوراللنتیریش و حمایه قیلیشگه اعتراض اوله‌راق پاکستان ایلچیخانه‌سی نینگ ایشلر وکیلینی چقیریب آلدی، بو اتهامنی اسلام آباد شدت بیلن رد ایتدی.
منبع: افغانستان اینترنشنل
🌐
