بیرلشگن ملتلر تشکیلاتی نینگ قاچقینلر ایشلری بۉییچه عالی کمیسارلیگی (UNHCR)، بامیان ولایتیده ۴۰ نفر عیال اوچون کسبی مهارتلرنی اېگه للب، تورموش شرایطینی یخشیلش مقصدیده بیر تعلیم دستوری یۉلگه قۉییلگنینی معلوم قیلدی.
اوشبو تشکیلات، پنج‌شنبه کونی، ۷ عقربده، ایکس اجتماعی ترماغیده، بو دستورنینگ اروپا اتفاقی مالی حمایتی بیلن عملگه آشیریله یاتگنینی یازگن. اشتراکچیلر چرم دستکول‌لر یسه ش و کشته تیکیش مهارتلرینی اۉرگه نه‌دیلر.
اوشبو اداره نینگ ایتیشیچه، دستورنینگ مقصدی اشتراکچی عیاللرنینگ اۉرگنگن مهارتلریدن فایده لنیب، اۉزلریگه ایش تاپیب و درآمد آلیش امکانیتیگه ایگه بولیشلری دیر. بو اولرنینگ اقتصادی کوچه ییشیگه و باشقه‌لرگه باغلیقلیگینی کمه‌یتیریشگه یاردم بېره‌دی.
اشتراکچیلر آره‌سیده مملکت‌گه قاچقین صفتیده قَیتگن عیاللر هم بار. اولر، اۉزلری نینگ کیچیک бизнеسلرینی یۉلگه قۉییش آرقه لی، عایله‌لری نینگ احتیاجلرینی تأمینلش و محلی اقتصادگه حصه قۉشیشگه امید قیلماقده‌لر.
اوشبو دستور، افغانستانده عیاللر و قیزلرنینگ اوتگن بیش ییل دوامیده طالبان حکومتی تامانیدن قۉیلگن چېکلاولر سببلی ایش و تعلیم حقوقلریدن محروم ایتیلگن بیر شرایطده عملگه آشیریلماقده. بونده‌ی بیر فضاده، خلق ارا تشکیلاتلرنینگ تعلیمی و حمایتی دستورلری عیاللرنینگ اقتصادی بقاسی اوچون حیاتی رول اۉینه‌یدی.
بامیان، کینگ یاییلگن فقرلیککه قره‌مسدن، عیاللری هر دایم قول صنعتلری و زراعت ساحه‌لریده فعال بولگن ولایتلردن بیری دیر و بونده‌ی دستورلر اولرنینگ اقتصادی رولینی کوچه‌یتیریشگه یاردم بېریشی ممکن.
منبع: بیرلشگن ملتلر قاچقینلر ایشلری بۉییچه عالی کمیسارلیگی
🌐
