بدخشانده طالبان نینگ مخدر ماده‌لرگه قرشی کوره ش مسئوللری، بو مدیریت نینگ کوچلری ولایت نینگ درایم ولسوالیسیده بیر هیروئین ایشلب چیقرووچی کارخانه‌نی کشف قیلیب بوزگنینی ایتماقده. بو عملیاتده مقداری کۉپ مخدر ماده و اونینگ پروسس اوچون تجهیزاتلری هم قولگه کیریتیلگن.
بدخشانده طالبان نینگ مخدر ماده‌لرگه قرشی کوره ش مدیری، احسان‌الله مستقیم، بو عملیات نینگ اوتگن کېچه تخمیناً ساعت بیرده درایم ولسوالیسی نینگ «خیربیک» قشلاغیده اجرا ایتیلگنینی ایتدی. اونینگ ایتیشیچه، بو کارخانه منطقه‌ده هیروئین ایشلب چیقاریش نینگ فعال مرکز لریدن بیری ایدی.
جناب مستقیم قۉشیمچه قیلیشیچه، بو عملیات جریانیده هیروئینگه ایلنتیریلیش اوچون تیارلنگن ۸۴ کیلوگرام خام تریاک کشف و ضبط قیلینگن. بوندن تشقری، پروسس حالتیده‌گی مخدر ماده‌لر بیلن تۉله ییتّی دانه بوغ دیگی (بیلر) هم خوفسیزلیک کوچلری تامانیدن قولگه آلینگن.
اوشبو کارخانه‌ده مخدر ماده ایشلب چیقاریش اوچون استفاده قیلینگن باشقه بیر قطار وسیله‌لر و تجهیزاتلر هم ضبط قیلینگن. بو عملیات طالبان حکومتی نینگ مملکتده مخدر ماده ایشلب چیقاریش و قاچاقیگه قرشی کوره ش سعی و حرکتلری نینگ بیر قسمی دېب عنوان قیلینگن.
افغانستان نینگ شمال-شرقیده جایله شگن بدخشان ولایتی، تاغلیک جغرافیایی موقعیتی و بیر نیچه مملکت بیلن چېگره داش بولگنی سببلی، اوتگن اون ییللرده قاچاق نینگ اصلی یۉل لریدن و مخدر ماده ایشلب چیقاریش مرکز لریدن بیری بولگن.
طالبان حکومتی افغانستاننی قیته قولگه کیریتگندن سۉنگ، کۉکنار ایکیش و هر تورلی مخدر ماده ایشلب چیقاریشنی منع قیلیب اعلان قیلدی و بوتون مملکت بۉیلب اونینگ ایکینزارلری و ایشلب چیقاریش کارخانه‌لرینی بوزیش اوچون عملیاتلرنی یۉلگه قۉیگن.
منبع: بدخشان محلی مسئوللری
🌐
