طالبان حکومتی نینگ قوراللی مخالف گروهی بۉلگن افغانستان آزادلیک جبهه‌سی، اوشبو جبهه نینگ کماندولری "دشمن" نینگ اوچاق‌لرینی خنثی قیلیش اوچون ایلغار حربی تکنالوژي‌لرگه ایگه بۉلگنینی ادعا قیلدی. بو جبهه بیر بیانیه‌ده، بو تکنالوژي‌لر اولرنینگ اوروشچی لریگه اوچاق‌لرنی هدفگه ییتیشیدن آلدین انیقلش و یوق قیلیش امکانیتی نی بېریشینی اعلان قیلدی.
اوشبو بیانیه‌گه کۉره، بو تکنالوژیک رواجلنیش آزادلیک جبهه‌سی کماندولری نینگ عملیاتی حرکت و مانور توانایی‌سینی آشیره‌دی و اولرنینگ هوا هجوم لریگه قرشی مدافعه کوچینی مستحکم لیدی. آزادلیک جبهه‌سی بو تکنالوژي نینگ "متعارف اوروش معادله‌لری و ییر و هوا اوستیده تسلط قازانیش"ده مؤثر رول اۉینشی ممکن لیگیگه ایشانه‌دی.
بو گروه شونینگدیک، بو تکنالوژي‌لرنینگ "عملیاتی هسته‌لرده‌گی جسور مبارزلر" تامانیدن تیگیشلی بولیم‌لرگه تانیشتیریلگن و اۉرگه تیلگنی و اولرنینگ کوچلری اۉز موضع‌لرینی مدافعه قیلیش اوچون تولیق تیار ایکنینی قۉشیمچه قیلدی. هر حالده، بیانیه‌ده بو تکنالوژي‌لرنینگ توری، اولرگه ایریشیش منبعی یا-ده اونینگ موفقیت لی ایشلتیلگنیگه عاید دلیل‌لر حقیده هیچ قنده‌ی معلومات بېریلمه‌گن.
بو ادعا، اوچاق هجوم‌لری نینگ زمانه وی حربی توقنشولرنینگ اساسی بیر قورالیگه ایلنگن بیر پیتده مطرح ایتیلماقده. طالبان حکومتی هم اوتگن دورده اۉز قوراللی مخالف‌لری نینگ موضع‌لرینی نظارت قیلیش و هجوم قیلیش اوچون اوچاق‌لردن فایده‌لنگن. اوچاق‌گه قرشی تکنالوژيگه ایریشیش، افغانستان اوروش میدانیده هر قنده‌ی گروه اوچون مهم بیر استراتیژیک اوستونلیک بۉلیشی ممکن.
افغانستان آزادلیک جبهه‌سی ۲۰۲۱-ییل اگست آییده طالبان نینگ مملکت اوستیدن قیته حاکمیتنی قۉلگه کیریتگنیدن سۉنگ تشکیل تاپدی و اساساً آلدینگی حکومت نینگ خوفسیزلیک کوچلریدن تشکیل تاپگن. بو جبهه، ملی مقاومت جبهه‌سی بیلن بیر قطارده، مملکت نینگ بعضی شمالی و مرکزی ولایت‌لریده طالبان حکومتیگه قرشی پراکنده فعالیت‌لر آلیب بارگن.
طالبان حکومتی رسمیلری هلی گچه آزادلیک جبهه‌سی نینگ بو ادعاسیگه مناسبت بیلدیرمه‌گن. اوروش نینگ طبیعتی و آزاد رسانه‌لرنینگ بو جبهه نفوذی آستیده‌گی منطقه‌لرگه کیریش امکانیتی نینگ یوقلیگی سببلی، بو ادعانی مستقل تصدیقلش قیین. بو اعلامیه، روانی اوروش نینگ بیر قسمی و کوچلرنینگ روحیه‌سینی کوچه‌یتیریش و رقیب قرشی‌سیده قدرت کۉرسه تیش اوچون بیر حرکت بۉلیشی ممکن.
منبع: آزادلیک جبهه‌سی نینگ بیانیه‌سی
🌐
