طالبان حکومتی نینگ روسیهدهگی سفیری گل حسن حسن، روسیه نینگ اقدامیدن سونگ، باشقه بعضی مملکتلر هم طالبان حکومتینی رسمی تن آلیشگه یقینلشگنینی ادعا قیلدی.
او، غزنی ولایتیده بیر مراسمده سۉزله رکن، اورته آسیا مملکتلری، روسیه، چین و باشقه‌لر طالبان حاکمیتی آستیده‌گی افغانستان بیلن اۉز سوداگرچیلیک، اقتصادی، سیاسی، تعلیمی و صحی علاقه‌لرینی کینگه‌یتیریشگه مایل ایکنلیکلرینی تأکیدله‌دی.
حسن سۉزلری نینگ باشقه بیر قسمیده، روسیه باش وزیری نینگ اقتصادی بۉلیم مسؤولی بولگن اورینباسری یقین کیله جکده بیر هیئت بیلن افغانستانگه سفر قیلیشی ریجه لنگنینی معلوم قیلدی. بو سفر ایکّی تامانلمه علاقه‌لرنینگ کوچه‌ییشی نینگ بیر نشانه‌سی بولیشی ممکن.
بو ادعالر شونده‌ی بیر حالده اورته‌گه قۉییلمoqdا-کی، روسیه تامانیدن طالبان حکومتی تن آلینگنیگه بیر ییلدن آرتیق وقت اوتگن بولسه‌ده، هنوزگچه دنیا نینگ هیچ بیر مملکتی بونده‌ی بیر قدم تشله مه‌گن. کوپچیلیک دولتلر، جمله دن غربی قدرت‌لر و منطقه مملکتلری، افغانستان توغریسیده بیر مشترک و هماهنگ موضع نی قبول قیلیش ضرورتیگه اورغو بیرگنلر.
طالبان حکومتی کوپ مرته غربی مملکتلرنی، خصوصاً امریکا قوشمه ایالتلرینی، اۉزینی تن آلیش یولیده‌گی اصلی توسیق صفتیده تانیتگن. طالبان ایشانچیلریگه کۉره، غرب نینگ سیاسی باسیمی باشقه مملکتلرنینگ کابل بیلن رسمی علاقه‌لر اورنه تیشیگه توسیق بولماقده.
خلق ارا همجمعیت، خصوصاً غربی مملکتلر، هر دایم افغانستانده‌گی انسانی حقوق وضعیتی، اینیقسه عیاللر و قیزلر حقوقلری، همده خوفسیزلیک وضعیتی بوییچه چوقور خواطرلرینی اظهار قیلگنلر. بو خواطرلر اوشبو مملکتلرنینگ طالبان بیلن کینگ دیپلوماتیک تعاملدن اوزینی تیییشیگه سبب بولگن.
شونده‌ی بولسه‌ده، افغانستانگه بشردوستانه یاردملر دوام ایتماقده و بعضی غربی مملکتلر افغان مهاجرلرینی چیقاریش کبی مسأله‌لر اوچون طالبان رسمی‌لری بیلن «تخنیکی» و محدود تعامللر اورنه تگنلر. افغانستانده انسانی حقوق وضعیتی طالبان قیته قدرتگه کیلگنیدن بویان شدتلی یامانلشگن. منبع: ایچکی رسانه‌لر
🌐
