«ام اس ناو» تامانیدن نشر قیلینگن بیر گزارشگه اساساً، دونالد ترامپ حکومتی اوره سیده سیلاولردن بیر کون کیین، یعنی تۉرتینچی نوامبرده، ایرانگه قرشی حربی هجوملرنی قیته باشلشنی نظرده توتگن. بو حرکت منطقه‌ده‌گی کېسکینلیکنی شدت بیلن کوترگن.
اوشبو گزارشگه کۉره، امریکا قوشمه ایالتلری فارس کۉرفه زیده‌گی متفقلریگه «قیسقه مدتلی اما کوچلی» دېب تعریف ایتیلگن بیر حربی عملیات اوچون تیارگرلیک کۉریشنی آگاهلنتیرگن. بو عملیات نینگ مقصدی، تهراننی ینگی بیر هسته‌ای کیلیشووگه مجبورلش یاکه نهایتده اوشبو مملکت نینگ هسته‌ای برنامه‌سینی بوتونلی یوق قیلیش دېب ایتیلگن.
خبر منبعی نینگ معلوماتیگه کۉره، امریکا نینگ کۉرفه زده‌گی متفقلری، خصوصاً سعودي عربستان و بیرلشگن عرب امیرلیکلری، ایرانگه قرشی باسیمنی قوللب-قوتلسه لر-ده، تهران نینگ احتمالی انتقام عملیه‌سیدن جدی خواطرده‌لر. بو مملکتلر هر قنده‌ی حربی توقنشوو منطقه نینگ بوتون ثباتینی خطرگه سالیشی و اولرنینگ نفت و اقتصادی تأسیساتلرینی نشانگه آلیشی ممکنلیگیدن اندیشه‌ده‌لر.
بو خبر شونده‌ی بیر پیتده ترقه لماقده کی، ایران و دنیا نینگ کوچلی مملکتلری اورته‌سیده‌گی هسته‌ای مذاکره‌لر آیلردن بویان بن بستگه کیریب قالگن و تهران بیلن واشنگتن اورته‌سیده‌گی کېسکینلیک ایران نینگ هسته‌ای فعالیتلری و منطقه وی نفوذی یوزه‌سیدن اینگ یوکسک چوقّیگه چیققن.
ترامپ حکومتی آلدین هم کوپ مرته ایرانگه قرشی حربی چاره کۉریلیشینی ایتگن ایدی، لیکن بو بیرینچی مرته دیرکی، رسانه‌لرده بونده‌ی بیر اقدام اوچون معین بیر سَنه ذکر ایتیلماقده. تحلیلچیلرنینگ ایشانچیلریگه کۉره، بو احتمالی عملیات نینگ زمانی، یعنی اوره سیده سیلاولردن کیین، ترامپ حکومتی اوچون ایچکی سیاسی عاقبتلرنی کمه‌یتیریش مقصدیده ریجه‌لنگن.
حاضرگچه آق اوی یاکه پنتاگون رسمی‌لری بو گزارشگه هیچ قنده‌ی عکس العمل کورستمه‌گن. شونده‌ی بولسه‌ده، بو خبرنینگ اوزی خلق ارا نفت بازارلریده بی‌قرارلیککه و خلق ارا همجمعیت نینگ چوقور خواطرلریگه سبب بولگن. کوپلب مملکتلر، جمله‌دن امریکا نینگ اروپالی متفقلری، صبر-تحمل و اختلافلرنی دیپلوماتیک یول بیلن حل قیلیشگه چقیریق قیلماقده‌لر. منبع: ام اس ناو
🌐
