سمنگان ولایتی‌ده‌گی طالبان محلی رسمیلری، اوشبو ولایت نینگ حضرت سلطان ولسواللیگیده بیر عیال اېری تامانیدن اۉلدیریلگنی‌نی ایتماقده. سمنگانده طالبان خوفسیزلیک قوماندانلیگی سۉزلاوچیسی حشمت‌الله رحمانی، یکشنبه کونی، ۱۰ عقرب (۱ نومبر)ده، بو واقعه توشدن کېین یوز بېrگنینی ایتدی.
جناب رحمانی نینگ سۉزلریگه کۉره، بو عیال باشیگه یاغاچ بیلن اوریلگن ضربه عاقبتیده جان بېرگن. او، عیال نینگ اېری قتل عیبلوی بیلن قماققه آلینگنینی و اوندن دستلبکی تیکشیرولر باشلنگنینی تصدیقله‌دی.
طالبان خوفسیزلیک قوماندانلیگی سۉزلاوچیسی بو قتل نینگ سببینی «عایله وی مشکل لر» دېب اته‌دی و بو توغریده‌گی تیکشیرولرنینگ دوام اېته یوتگنی‌نی قۉشیمچه قیلدی.
افغانستانده عیاللرگه قره‌ته زوروانلیک نینگ اساسی قسمینی تشکیل اېتووچی عایله وی زوروانلیک، طالبان نینگ قدرتگه قَیتیب کېلیشیدن سونگ کۉپه یگن کۉرینه دی. عیاللر حقوقی فعاللری طالبان حکومتی سایه‌سیده عیاللرنینگ وضعیتی‌دن تشویشده‌لر.
طالبان حکومتی قدرتگه اېریشگندن کیین، زوروانلیک قربانی بۉلگن عیاللر اوچون پناه‌گاه بۉلگن عیاللرنی قۉللب-قوّتلش تشکیلاتلری و امن اوی‌لرنی بیکار قیلدی. بو حرکت عیاللرنینگ عدالت و حمایتگه اېریشیشینی جدي شکلده چېکله‌دی.
بوندن تشقری، طالبان تامانیدن وضع قیلینگن بعضی قانونلر و اصولنامه‌لر، عیاللرگه قره‌ته معین بیر درجه‌ده زوروانلیکنی روا کۉرگن. شونینگدېک، «زوجین تفریق اصولی» قانونی نینگ وضع ایتیلیشی بیلن، عیاللرنینگ زوروانلیککه توله علاقه‌دن اجره لیشی آلدینگیدن کۉره انچه قیینلشگن.
منبع: محلی رسانه‌لر
🌐
