بدخشان ولایتی نینگ مرکزی فیض‌آباد شهری نینگ بیر قطار یشاوچیلری، کېچه‌لری اۉغری‌لیک واقعه‌لری نینگ جدی شکلده کۉپه یگنیدن تشویش بیلدیریب، جانلری و ماللری خوف آستیده ایکنینی ایتماقده‌لر. اولرنینگ ایتیشیچه، سۉنگگی ایکی هفته‌ده شهرنینگ تورلی نقطه‌لریده یشش اویلریدن و آذوقه-آوقات دکه نلریدن بیر نیچه اۉغری‌لیک واقعه‌سی یوز بېرگن.
محلی خلق بو جنایت‌لرنینگ کۉپه ییشینی فقیرلیک و ایشسیزلیک نینگ تۉغریدن-تۉغری نتیجه‌سی دیب بیله‌دی. اولر، بیر قطار یاشلر ایش فرصت‌لری یۉقلیگی و تیریکچیلیک اساسی احتیاج‌لرینی تأمین لشده‌گی ناتوانلیکلری سببلی اۉغری لیککه یوز کېلتیرگنینی ایتگنلر.
بیر یشاوچی نینگ ایتیشیچه، اۉغری‌لر کۉپینچه ماللری نینگ عمومی قیمتی بېش مینگدن اون مینگ افغانیگچه بۉلگن کیچیک دکه نلرنی نشانگه آلماقده. بو اۉغری لیکلر اینگ فقیر عایله‌لرنینگ درآمد منبع‌سینی یۉققه چیقریب، خواطرلرنی آرتیرماقده.
بونگه قۉشیمچه، بعضی کیمسه‌لرنینگ پلاستیک تاشلرنی الماس دیب، عیاللرنینگ آلتین زیورات‌لرینی اۉغریله یتگنی حقیده هم خبرلر بار. یشاوچیلر طالباندن قۉرقیب، رسانه‌لرگه کۉپراق تفصیلات بېریشدن اۉزینی تارتماقده و طالبان بو خبرلرنی اۉزیگه قرشی «توطئه» دیب حسابله شینی ایتماقده‌لر.
بو وضعیت، بدخشان ولایتی نینگ آلتین کبی کانلری نینگ غیرقانونی قازیب آلینیشی و کېنگ کۉلملی قاچاقی یوز بېره یتگن بیر پیتده یوز بېرماقده و ایتیلیشیچه، طالبان مقام‌لری و اولرگه باغلیق کیشیلر بوندن بویوک فایده کۉرماقده.
یقین‌ده فارن پالیسی ژورنالی، لندنده جایلشگن بیر ریسک تحلیلی شرکتی نینگ گزارشینی نقل قیلیب، طالبان بدخشان و تخار ولایت‌لری نینگ آلتین کانلری درآمدی نینگ ۲۵ فایزینی القاعده شبکه‌سیگه بېرگنینی ادعا قیلدی. گزارشگه کۉره، القاعده نینگ حصه‌سی ۲۰۲۲-ییلدن بویان ۱۹۴.۴ میلیون دالرگه یېتگن.
گزارش، طالبان هر آی آلتین کانلریدن ۲۵ میلیون دالر درآمد آلیشینی و بو پول القاعده بیلن بۉلیشیش اوچون کابلده سراج الدین حقانی و قندهارده هبت‌الله آخندزاده جناحلری اۉرته‌سیده تقسیم ایتیلیشینی قۉشیمچه قیلگن.
منبع: محلی رسانه‌لر
🌐
