قندهار ولایتیده‌گی محلی منبعلر نینگ ایتیشیچه، معصوم ایسملی ۲۶ یاشلی بیر ییگیت نامعلوم شخصلر تامانیدن پچاقلب اۉلدیریلگن.
۸صبح کونده‌لیگی نینگ خبریگه کۉره، اوشبو واقعه سپین‌بولدک تومنی نینگ قیشلاقلریدن بیریده یوز بېرگن. منبعلر ۱۴ عقرب، پنج‌شنبه کونی، بیر شخص معصوم بیلن تماس آلیب، اوندن اوییدن تاشقریگه چیقیشینی سۉره‌گنینی ایتگن.
معلوماتلرگه کۉره، بو ییگیت اوییدن چیققن پیتده، هجومچیلر اونگه پچاق بیلن هجوم قیلیب، اونی اۉلدیریشگن.
قندهارده‌گی طالبان حکومتی نینگ محلی رسمی‌لری هم بو واقعه یوز بېرگنینی تصدیقله‌گنلر. اولر نینگ ایتیشیچه، معصوم اۉز دۉستلری تامانیدن پچاقلب اۉلدیریلگن.
حاضرگچه بو قتل نینگ اصلی سببی انیق ایمس و عامللری حقیده کۉپراق معلومات یۉق. منبعلرگه کۉره، سۉنگی کونلرده قندهار ولایتیده جنایی جالملر کۉپه‌یگن.
منبع: ۸صبح
🌐
